Eduki nagusira joa

Nabigazio-menura joan

Nabigazio-menura joan

IKERKETA-EREDUA

kasleari ikerketa-tekniketako prestakuntza aurreratua emateko xedea duten kualifikazioetarako MECES sailkapeneko 4. maila da doktoregoa. Maila horretako kualifikazioen ezaugarriak deskriptore hauek definitzen dituzte, ikasitakoaren emaitzen arabera.

ZER DA DOKTOREGOA?

Doktorego-aldiaren xedea da doktoregaiak ikerketa-proiektu bat gauzatzea, gero horretan oinarritutako doktorego-tesia idazteko. Proiektuaren zuzendaria doktorego-programarekin lotutako ikerketa-taldeetako doktore bat izango da. Tesiak beste erakunde bateko zuzendarikide bat izan ahalko du.
Programak doktorego-ikasle guztien eskura ipiniko ditu beren ikerketa gauzatzeko behar dituzten zerbitzu eta azpiegitura guztiak.
Doktoregaia doktorego-programan matrikulatzen denean hasten da prozesua. Hiru urte irauten du, arduraldi osoan eginez gero (bi urteko luzapena ere eman daiteke, salbuespenez) eta bost urte, berriz, arduraldi partzialean egiten bada (hiru urteko luzapena ere eman daiteke, salbuespenez).
Doktoregaia urtero matrikulatu behar da doktorego-programan. Prozesuaren hasieran tutore bat esleituko zaio. Ikaslea gidatuko du tutoreak, eta jarraipena egiten lagunduko du. Programak zuzendari bat edo batzuk esleituko dizkio doktoregaiari hiru hilabeteko epean, gehienez ere.

Investigacion
Doktoregaiak urteko ikerketa-plan bat gauzatuko du, tutorearen eta zuzendariaren laguntzarekin. Plan horren parte izango dira lanaren guztizko garapenaren plangintza estrategikoa eta urteroko plangintza bat, non ikasturte akademikoari dagozkion ikerketa- eta prestakuntza-jarduerak jasoko baitira. Era berean, tutorearen eta zuzendariaren laguntzarekin, jarduera-dokumentu pertsonalizatua (JDP) osatzen joango da. Bertan, doktoregaiak ikasturte akademiko bakoitzean egin dituen jarduera guztiak jasoko dira, dokumentuen bidez justifikatuta. Dokumentu horren ebaluazio kualitatiboa egingo da doktorego-tesia defendatzen denean.
Nazioarteko doktoregoaren aipamena lortu nahi izanez gero, doktoregaiak gutxienez hiru hilabeteko egonaldi bat egin beharko du Espainiatik kanpoko goi-mailako hezkuntza-erakunde batean edo ikerketa-zentro batean. Tesia defendatzeko, doktorego-programa horren inguruko araudia kontuan izan beharko da.
Tesia amaitu ondoren eta beharrezko izapideak egin eta gero, doktoregaiak tesiaren defentsa publikoa egingo du izendatutako epaimahaiaren aurrean eta programa horren araudiaren arabera.

Doktorego-programaren koordinatzailea:

    Juan Carlos Arboleya Doktorego-programaren batzorde akademikoa (DPBA):
Batzorde akademikoko kide dira doktorego-programako arduradun akademikoak, programarekin lotutako ikerketa-taldeetako ordezkariak eta tesi-zuzendariak.

Zehazki, hauek dira doktorego-programa honen batzorde akademikoko kideak:

    Mondragon Unibertsitateko errektoreordea

    Doktorego-programaren koordinatzailea

    Doktorego-programarekin lotutako hiru doktore

Batzorde akademikoaren eskumena da ikasleak doktorego-programan onartzea, doktorego-tesien jarraipena egitea, doktoregaien jardueren erregistroa ebaluatzea, tesien epaimahaiak onartzea eta hirugarren zikloko ikasketei dagozkien izaera akademikoko gainerako funtzioak.

ZER IKERTU NAHI DUZU?

Ikerketa-talde hauek daude doktorego-programari atxikita:
Elikadura-zientziak
Kudeaketa, gizartea eta kultura

IKERKETA-TALDEAK

Programa honen barruan daude 2 ikerketa-talde eta, bien artean, 5 ildotan egiten dute lan:

Elikadura-zientziak
1. ildoa: Jasangarritasuna.
2. ildoa: Zentzumenezko analisia.
3. ildoa: Osasuna (gastronomia pertsonalizatua)

Kudeaketa, gizartea eta kultura
1. ildoa: Gizartea eta kultura

    Etnohistoria eta elikadura-paisaia kulturala

    Egitate gastronomikoaren dimentsio sozial, politiko eta kulturalak

2. ildoa: Gastronomia-enpresen kudeaketa eta zuzendaritza

    Doktoregai berriak

Harremanetarako Formularioa

(Beharrezkoa) markatutako eremuak beharrezkoak dira.

€4,000 - with a 50% discount for theses that are completed in associated technology centres
Basque Culinary Center
Desarrollado por: www.dedomultimedia.com