Eduki nagusira joa

Nabigazio-menura joan


Nabigazio-menura joan

Aurkezpena

Pastry chefa izan nahi duzu?

Jabetu sukaldaritzako zapore gozoez eta formulatzeko gakoez.

Jatetxeetako Gozogintzako eta Sukaldaritza Gozoko Masterra da sukaldari batek jatetxeko gozogintzan espezializatzeko behar duen prestakuntza. Izan ere, espezialitate horrek kualifikazio handiko profesionalak behar ditu.

Ikasketa-programaren bidez, ikaslea gozogintzari buruzko abangoardiako sukaldaritza-teknikez jabetuko da, eta bere zentzumen- eta sorkuntza-trebeziak garatuko ditu, zentzumen guztiak suspertuko dituzten azkenburu koherenteak egiteko.

Ikasketa-plan zaindua: osagaiak, gozogintzako prozesuak eta teknikak, tradizionaletik abangoardiaraino.

Metodologia praktikoan oinarritua: dastatzeak, lantegiak, sorkuntza-lanak, master bukaerako proiektua, praktikak enpresetan, irakasle adituak eta erreferentziako sukaldari eta gozogileekin egindako saioak, mintegi osagarriak Pariseko Chocolate Academyn, eta ikasteko bisitak gozogintza-lantegietara, jatetxeetara eta gozogintzan espezializatutako elikagaien industriara.

• Hurrengo Masterreko edizioa 2018an hasiko da!
• Iraupena: 60 kreditu.
• 6 hilabeteko prestakuntza Basque Culinary Centerren+ 3 hilabeteko praktikak
• Mondragon Unibertsitateko berezkoa Titulua.

 

 

10+1 arrazoi

MASTERRA EGITEKO ARRAZOIAK

Jatetxeetako gozogintzan eta sukaldaritza gozoan espezializatuko zara eta teknikarik abangoardistenak ezarri ahal izango dituzu postreen sukaldaritzan.

Teknika bakoitzaren prozesu fisiko-kimikoei buruzko oinarri zabala barneratuko duzu eta, horri esker, proposamen koherente eta berritzaileak sortu ahal izango dituzu.

Gozogintzan erabiltzen diren lehengaiak sakon ezagutu eta zeure zentzumen-trebeziak garatuko dituzu.

Gozogintzako eta sukaldaritza gozoko aditurik onenekin prestatuko zara.

Masterrak hartzen dituen Gozogintzako eta Sukaldaritza Gozoko master class-etan parte hartuko duzu, nazioko eta nazioarteko erreferentziako profesionalez osatutako talde batekin.

 

Gozogintza-alorreko erreferentziako beste zentro batzuetan jarraituko duzu prestatzen.

Ikasketa-bisiten bidez, ikasgelan lehengaiei, elaborazio-prozesuei eta abarrei buruz ikasitakoa osatu ahal izango duzu.

Nazioko nahiz nazioarteko jatetxe ospetsuenetako postreen sailean egingo dituzu praktikak.

Instalaziorik eta baliabiderik hoberenak izango dituzu eskura, ahalik eta errealena den ingurune batean.

Basque Culinary Centerreko kidea izango zara. Espainian Gastronomia Zientzien Fakultate bakarra da eta munduko sukaldaririk garrantzitsuenen aitortza eta laguntza du.

Sukaldariak jatetxeetako gozogintzan eta sukaldaritza gozoan espezializatzeko behar duen prestakuntza guztia lortuko duzu.

 

Bideratua / Programa

NORENTZAT

Ezagutza gehiago barneratu nahi duten sukaldari eta gozogileentzat, jatetxeetako gozogintzan eta sukaldaritza gozoan espezializatzeko edota euren gozogintza-eskaintza zabaldu eta berritzeko.

BETEBEHARRAK

Masterrean sartzeko eskatzen den prestakuntza eta gomendatzen den esperientzia:

    Gastronomiako lizentzia.

    Sukaldaritzako eta jatetxe-alorreko goi- edo erdi-mailako gradua.

    Gozogintzako goi-mailako gradua.

    Erreferentziako ikastetxeetan egindako gozogintzako eta sukaldaritza gozoko ikasketa arautu gabeak.

Hautagaiek dendetako edo lantegietako gozogintzan edota jatetxe bateko azkenburuen sailean gutxieneko esperientzia izatea gomendatzen da.

PROGRAMAREN HELBURUAK

    Gozogintzako teknika eta elaborazio tradizionalei buruzko ezagutza-oinarri egokia eskuratzea.

    Lehengaiak eta deribatuak ezagutzea: ezaugarriak eta uztartzeko moduak.

    Sukaldaritzaren kimikaren ikuspegitik, elaborazio-prozesuetan eta sukaldaritza-teknikak ezartzean gertatzen dena ezagutu eta ulertzea.

    Jatetxeetako gozogintzan erabiltzen diren abangoardiako sukaldaritza-teknikak erabiltzen jakitea.

    Sorkuntza lantzea, jatetxeetako gozogintzako eta sukaldaritza gozoko proposamenak gauzatzeko.

IKASKETA PLANA

Ikasketa-planari buruzko informazio gehiago nahi baduzu, deskargatu Ikasketa-programa:

 

 

Egutegia

IKASTURTEA: urritik martxora.

PRAKTIKA ALDIA: apirila-ekaina.

ORDUTEGIA: 15:00etatik 20:00etara, astelehenetik ostiralera.*

IKASLE KOPURUA: 18

MATRIKULA: izen-ematea irekita dago plazak agortu bitartean.

* Ordutegia astelehenetik ostiralera izango da, 15:00etatik 20:00etara (txango gastronomikoak, master class-ak eta mintegiak goizez ere izan litezke, beharrezkoa izanez gero).

 

 

Metodología

Gozogintzako eta Sukaldaritza Gozoko Masterra % 100 presentziala da. Honela banatzen da kreditu teoriko-praktikoen ehunekoa: % 30 teorikoak eta % 70 praktikoak dira, eta ebaluazioa etengabea da.

Azalpen erakusleak, lantegi praktikoak, dastatzeak eta master class-ak.

    Teknika bakoitza erabiltzeko azalpen praktikoak, elikagaien teknologiaren alorreko aditu baten ikuspegiarekin, ikasleak teknika hori ezartzean zer gertatzen den uler dezan.

    Postrea osatzen duten lehengai nagusiak gordinean dastatzea eta zentzumen-azterketako eskolak, ikasleen dastamen-trebeziak garatzen laguntzeko.

    Teknika bakoitzaren inguruko lantegi praktikoak ikastaroko moduluetako bakoitzean, eta sormen-saioak, jatetxeetako postreak egiten ikasteko.

    Mintegiak eta master class-ak, jatetxeetako postreen eta gozogintzaren alorreko erreferentziako sukaldari eta gozogileekin.

Ikasketa txangoak eta prestakuntza-bisitak

Ikasteko txango eta bisitei esker, ikasleek bertatik bertara ezagutuko dituzte ikasgelan azaldutako produktuak eta prozesuak. Ikasteko bisitak egingo dira gozotegietara, jatetxeetara, ekoizleengana, industriako gozogintza-enpresetara eta abar.

Ikasketa-prozesuak erreferentziako beste ikastetxe batzuetan jarraituko du eta, hala, mintegiak egingo dira Frantzian, besteak beste.

Proiektua eta praktikak

Prestakuntzaren hasieratik bertatik, ikasleak bere proiektua diseinatzen hasiko da eta, horretarako, kanpoko epaimahai batek baloratuko dituen sorkuntzak garatu eta defendatu beharko ditu. Horretaz gain, fakultateko jatetxe baterako menu gozoa diseinatu eta eskaintzea izango da proiektu horren ariketetako bat: snackak, platereko postreak, petit fourrak edota bonboi-kutxak.

Enpresetako praktikak eskola-aldia eta master bukaerako proiektua burutu ondoren egingo dira. Hiru hilabeteko (480 orduko) iraupena izango dute eta honako leku hauetan burutuko dira:

    Jatetxeetako postreetan erreferentziakoak diren jatetxeetan, hala nola Can Rocaren El Cellerren, Eneko Atxaren jatetxean, eta Basque Culinary Centerren beste laguntzaile askoren jatetxeetan.

    Gozotegi eta gozogintza-lantegietan.

    Catering-enpresetan.

    Elikagaien industriako I+G unitateetan, eta ikasleak bere gaitasunak garatzeko aukera izango duen beste negozio batzuetan.

Ikasleak praktikak baliozkotzeko aukera izango du, baldin eta esperientzia profesionala egiaztatzen badu.

 

 

Irakasleak

Esperientzia eta gaitasun pedagogiko handiko profesionalek osatzen dute irakasle multzoa.

Antolamendu-egiturak honako hauek hartzen ditu:

    Masterraren diseinu-taldea.

    Masterraren koordinatzailea.

    BCCko irakasleak, irakasle adituak zentzumen-analisian, sukaldaritzako kimikan, segurtasunean eta higienean, ekoizpenean eta abarretan.

    Produktuaren area bakoitza ezin hobeto ezagutzen duten irakasleak: nutrizionistak, ingeniari agronomoak, itsas biologoak, albaitariak, ekoizleak, etab.

    Nazioko eta nazioarteko erreferentziako gonbidatuak.

    Proiektu- eta praktika-tutoreak.

    Ikasleen Bulegoa.

Diseinuko eta koordinazioko talde teknikoa:

    Cesar Romero: Jatetxeetako Gozogintzako eta Sukaldaritza Gozoko Masterreko irakasle titularra. Jatetxeetako gozogintza eta  postreen alorreko aholkularia.

    Iñigo Murua: Basque Culinary Center Gastronomia Fakultateko gozogintza- eta okintza-irakaslea. Aurretiaz, elikadura-industria gozoko hainbat enpresetan ikertzailea izan da.

    Luis Arrufat: Sukaldaritza, Teknika eta Produktu Masterreko irakaslea Basque Culinary Center Gastronomia Fakultatean, eta 6 urtez Pastry Chefa El Bulli jatetxean.

Irakasleen multzoa osatzeko, Fakultateko beste irakasle batzuk ere egongo dira, zentzumen-azterketan, sukaldaritza-kimikan, segurtasunean eta higienean, ekoizpenean, produktuan eta abarretan adituak.

Basque Culinary Centerreko talde teknikoaz gain, azterketa-programako hainbat alorretako kanpo-adituak izango ditugu gonbidatu. Horien izenak gure webgunean, Facebooken, Twitterren eta informazio-buletinean argitaratzen joango gara.

Masterrean zehar Michelinen bi izar edo gehiago dituzten jatetxeetako maisu gozogileek eta sukaldariek, hala nola Martin Berasategik eta Jordi Rocak, jatetxeetako gozogintzari eta postreei buruzko master class-ak emango dituzte.

Batez beste 2-4 ordu iraungo duten eskola horietan, adituak bere elaborazio esanguratsuenetako batzuk prestatu eta sortzeko teknikak eta bere ikuspegia eta filosofia azalduko ditu.

Hona hemen lehen edizioan hartutako gonbidatuetako batzuk:

    JORDI PUIGVERT: prestakuntzaz irakaslea eta pasioz gozogilea. El Celler de Can Roca, Espai Sucre, Alkima eta Les Cols jatetxeetan jardun ondoren, mundu osoan gozogintzako teknika berriak irakasten eta lantzen eta sektore enpresei aholkularitza teknikoa ematen aritu da. Gaur egungo gozogintzaren kontzeptu eta teknika berriak ulertzeko funtsezko liburua idatzi du.

    JORDI ROCA: Gironako Ostalaritza Eskolan ikasi ondoren, amaren etxera (gaur egun hiru Michelin izar dituen El Celler Can Roca jatetxera) itzuli zen eta bertan gozogintzaren sekretuak ikasi zituen Damian Allshop gozogile britainiarraren eskutik. Gaur egun, Rocaren ikerketa-ildoek (adibidez kromoterapiak eta gozogintzan sartu dituen lurrinek) joera berriak ireki dituzte. Oinarri horretatik abiatuta egindako lanari esker, Cellerreko azkenburuak munduko gozogintzaren gorenean daude eta aurten Best Pastry Chef titulua eskuratu du San Pellegrinoren 2014ko munduko 50 jatetxerik onenen zerrendan. Jordi Roca Gironako Rocambolesc izozki-denda berritzaileaz ere arduratzen da. Jatetxeko azkenburuetan inspiratutako soft izozkien gama zabala eskaintzen dute bertan.

    YANN DUYTSCHE: ostalaritza ikasi eta gero gozogile-buru aritu zen familiaren jatetxean, Ardresen, Frantzia iparraldean. Ondoren, Frantziako jatetxe garrantzitsu batzuetan (Chateau Tilques hotela, Jean Marc Arcangeliarekin; Amandiers, Roger Vergérekin; Moulin de Mougins, Jean Pierre Gestinekin) egindako egonaldietan jatetxeetako gozogintzari buruzko ikuspegi zabala eskuratu zuen. 1995ean Ecole du Grand Chocolat Valrhona ospetsuaren zuzendari Frederic Bauk eskola horretako gozogile buruordea izatea eskaini zion. 2007an bere gozo-lantegi propioa sortu zuen Sant Cugat del Vallesen eta bere sorkuntza-lanak prestatzeko eta erakusteko aukera izan zuen bertan. Gozogintzaren eta azkenburuen sukaldaritzaren loturari buruzko funtsezko liburua idatzi du: Diversiones Dulces (Jostaketa gozoak).

    MIQUEL GUARRO: Bartzelonako Gozogile Elkargoaren Eskolan trebatua. Targarona gozodendan eta Bubon ez ezik, Frantzian, Metzen, Frank Fressonen gozodendan ere aritu da. Gozogile Maisurik Onena saritzen duen Lluis Santapau Sariko irabazlerik gazteena izan zen 2013an. Dos Cielos jatetxeko azkenburuen saileko buru izan zen. Espainiako Chocolate Academy eskola ospetsuko irakasle-taldean sartu berria da.

    MARIA SELYANINA: Madrilgo Le Cordon Bleu eta Parisko Bellouet Conseil eskola ospetsuenetan ikasi ondoren, Bubon (Carles Mampelekin) eta Dolç-en (Yann Duytscherekin) trebatu zen. Gaur egun prestakuntzan jarduten du Bartzelonan duen Hoyse-Pastry Laben.

    FRAN SEGURA: Alacanteko gozogile eta txokolate-aditu gazte horrek joerako gozogintza lantzen du, bereziki zaporeak, testurak eta estetika landuz. Bi aldiz izan da CANJOP Gozogintzako Txapelketa Nazional ospetsuko finalista, tarta onenaren eta bonboi onenaren saria irabazi du World Chocolate Masterren (2013) eta hainbat aldizkari espezializatutan (Dulcypas, Confitería Española, Pastry Revolution...) idazten du. Irakaslea eta hizlaria da nazioko eta nazioarteko ikastaroetan eta mintegietan.

... eta askoz ere gehiago.

Talde txikiak izango direnez, irakaslearekin eta hizlari gonbidatuarekin harremana izan eta elkarrizketan jarduteko aukera egongo da.

 

 

Matrik. / Laguntzak

Masterrak 10.750 euroko prezioa izango du eta honela ordainduko da:

    150 euro hautagaitza aurkeztean (onartua izan ezean zenbateko osoa itzuliko da).

    4.240 euro hautagaia onartu egin dela baieztatzen denean, lekua erreserbatzeko.

    Gainerako zenbatekoa, 2.120 euroko hiru kuotatan Urrian, Abenduan eta Otsailean.

*Prezioak aldaketak izan ditzake datorren edizioan.

FINANTZATZEKO AUKERAK

Ikastetxeak finantzaketa-baldintza bereziak hitzartu ditu hainbat finantza-erakunderekin (gehienez 6 urtean finantzatzeko aukera dago).

HOBARIAK JASOTZEKO AUKERA

Dirulaguntzak jasotzeko aukera (zati bat edo osorik) FUNDAEren bidez:

IKASLEAK ENPLEGUA BILATZEKO LAGUNTZA

Ikasketak egiten dituen bitartean eta ondoren ikasleari enplegua bilatzen laguntzeko asmoz, Masterreko ikasleek fakultateak jasotzen dituen lan-eskaintzen berri jasoko dute.

Era berean, egonaldian zehar, Fakultateak eskaintzen dituen ikasketa-lan eskaintzetara aurkezteko aukera izango dute, Unibertsitateko sailetan aritzeko: I+G sailean, eragiketen sailean, kafetegian, etab.

 

 

Onarpena / Baldintzak

Aurrez izena emateko urratsak:

1. Aurrez izena ematea

Interesa duten ikasleek behin-behineko izen ematea egin behar dute on line, eta izena emateko tasa ordaindu behar dute. Gainera, honako dokumentazio hau igorri behar da cursos@bculinary.com helbidera:

  • Curriculum Vitaea
     
  • Argazki 1, nortasun agiriko argazkiaren neurrikoa
     
  • NAN edo pasaportearen fotokopia
     
  • Prestakuntza programa egiteko Motibazio Gutuna.

2. Hautaketa prozesuko faseak gainditzea

1. fasea: Prestakuntza eta esperientzia egiaztatzea
Onarpen Batzordeak honako prestakuntza hauek baloratuko ditu:
    Gastronomiako lizentzia edo baliokidea.
    Sukaldaritzako eta jatetxe-alorreko goi- edo erdi-mailako gradua.  
    Gozogintzako goi-mailako gradua.  
    Erreferentziako ikastetxeetan egindako gozogintzako eta sukaldaritza gozoko ikasketa arautu gabeak.

Hautagaiek dendetako edo lantegietako gozogintzan edota jatetxe bateko azkenburuen sailean 1-2 urteko gutxieneko esperientzia izatea gomendatzen da.

2. fasea: Kontrastea egiteko elkarrizketa
Ezagutza zehatzak baloratu ahal izateko, Hautapen Batzordeak elkarrizketa pertsonala egingo dio 1. fasea gainditu duen hautagaiari, emandako datuak kontrastatu eta prestakuntzarekiko ardura hobeki ezagutzeko. Beharrezkoa bada, hautagaiari informazio osagarria eskatuko zaio; adibidez, bideo bat edo ezagutza-test bat egitea bere gaitasuna, trebezia eta ezagutzak frogatzeko.
3. fasea: Motibazioa eta gaitasun pertsonalak
Ikasleak prestakuntza-prozesua arrakastaz gainditzeko zer motibazio eta gaitasun pertsonal duen baloratuko du Hautapen Batzordeak. Horretarako, aurkeztutako motibazio-eskutitza hartuko da aintzat.
Hautaketa-prozesuaren hiru faseak bukatu ondoren, hautagaiak azken puntuazioa eskuratuko du. Puntuaziorik onena eskuratzen duten 18 ikasleak onartuko dira.

3. Plaza gordetzeko ordainketa

Hautagaiak prozesua gainditzen badu, horren berri emango zaio, onartuta edo erreserban dagoen zehaztuta.
Kasu batzuetan, masterra egiten hasi aurretik ezagutzak zabaltzeko ikastaroa egiteko exijituko zaio hautagaiari, prestakuntza-programa zorrotz hori egoki egin dezan. Hautagaiak onartzen ez badu, baja emango zaio.
Onartutakoei plaza gordetzeko zenbatekoa ordaintzeko eskatuko zaie, izen-ematea gauzatzeko.

Garrantzitsua:
    Plazak bete arte egongo da zabalik epea. Gehienez 18 ikasle onartuko dira.
    Matrikula irekitzen den unetik eta uztailaren erdialdera arte hautagaitzen lehen hautaketa egingo da. Batzordeak aztertu ahala jasoko dute erantzuna.
    Horren ondoren aurkeztutako hautagaitzen kasuan, albait arinen erantzungo zaie.
    Atzerriko ikasleei dagokienez, izen-emateko tasa ordaindu ondoren emango zaie onartutako hautagaitzei onarpen-eskutitza eta bisa tramitatzeko behar den laguntza.

 

Kontsultak eta informazio gehiago: cursos@bculinary.com

Alojamientos

Culinary House
EGOITZAREN DESKRIBAPENA

2017/2018 ikasturtean irekitako ikasleen egoitza.

Basque Culinary Center-etik pausu batera kokatua, eta hiri erdigunearekin konexio bikainekin, egoitzak ohe bikoitza, telebista, altzari moderno, sukalde txiki eta komun pribatua dituen 73 estudio ditu. Logela guztiek kanpora begiratzen dute, eta diseinu eta teknologien azken joerekin bat dator. Instalazioak bestalde, ondo hornituak daude, izan ere sukalde haundi bat daukate, ikasleek sukaldaritza praktikak egin ditzaten, baita bilera gelak, gimnasio eta egongela bat ere, non ikasleak sozializatu eta erlaxatu daitezkeen.

Eskaintzen dituen zerbitzuen artean:

  • Jakatxoaren garbiketa astero
  • Logela garbiketa astero
  • Abiadura handiko internet konexioa
  • Aire girotu eta berokuntza.
  • Garbigailu eta lehorgailudun ikuztegia
  • Atezaintza zerbitzua, posta eta paketeen bilketarako eta 24 orduko zaintza zerbitzuak bideo kamera bitartez

BCCko ikasleek lehentasunezko tarifak izango dituzte

Informazio gehiago www.numadstudios.com

BESTE ALOJAMENDU AUKERAK


Erlojiosoen Ikasle-Egoitzak

Ikasle-egoitza hauek txikiak dira eta sarrera ordutegi mugatua dute. Gelak banakakoak edo binakakoak izan daitezke eta denek dute bainugela. Litekeena da mantenu osoa eskaintzen dutenek, asteburuetan otordu guztiak ez eskaintzea. Egoitza hauetan onartua izateko elkarrizketa pertsonal bat egin behar da familiarekin.

Arraian agertzen ditugun prezioak gutxi gorabeherakoak dira.

EMAKUMEZKOENTZAKO Egoitzak:
RESIDENCIA COMPAŃÍA DE MARÍA
Camino de S. Bartolomé, 24
Tel 943 464795
Regimen pensión completa
Precio aproximado 625€/mes
ESCLAVAS DEL SAGRADO CORAZÓN
Avda. Gral. Zumalakarregi, 11
Tel 943 210800
Regimen pensión completa
Precio aproximado 580-615€/mes
Las residentes tienen que desalojar la residencia durante los fines de semana salvo en época de exámenes.
MISIONERAS DEL SAGRADO CORAZÓN
Paseo de la Fe, 34
Tel 943 456072
Regimen pensión completa
Precio aproximado 350-490€/mes
RESIDENCIA VILLA ALAIDI E.A.M.
Paseo de Heriz, 95
Tel 943 210866
Regimen media pensión o pensión completa
Precio aproximado desde 450€ hasta 590€/mes
No se ofrecen comidas durante el fin de semana aunque hay una cocina a disposición de las residentes.
RESIDENCIA EL CARMELO PASIÓN
Ilumbe, 8
Tel 943 456600
Regimen pensión completa
Precio aproximado 540€-605€/mes
COLEGIO MAYOR JAIZKIBEL
C/ Aldapeta, 49
Tel 616 369 815
Regimen pensión completa
Precio aproximado 932€/mes
No hay cocinas disponibles para las residentes pero las estudiantes de BCC podrán realizar prácticas de cocina.
RESIDENCIA CET ORIA
Paseo de Ayete, 25
Tel 943 242400
Regimen pensión completa
Precio aproximado 370€
El precio del alojamiento y pensión se costea trabajando en el servicio de alimentación. Admisión mediante entrevista.
GIZONEZKOENTZAKO EGOITZAK:
COLEGIO MAYOR AYETE
Pş Ayete, 25
Tel 943 21000
Regimen pensión completa
Precio aproximado 1.055€/mes
RESIDENCIA LA SALLE
Pş Maddalen Jauregiberri,2
Tel 943 454400
Regimen habitación y desayuno
Precio aproximado 320€-380€/mes

EGOITZA LAIKOAK

Estas residencias son mixtas y son de mayor tamaño que las residencias religiosas. Generalmente no tienen horarios de entrada.

EGOITZA MISTOAK:
COLEGIO MAYOR OLARAIN
Pş Ondarreta, 24
Tel 943 003300
Regimen alojamiento y desayuno, media pensión o pensión completa
Precio aproximado desde 498€ hasta 1.090€/mes
El precio incluye la limpieza del uniforme de cocina. No hay cocinas disponibles para los residentes aunque los estudiantes de BCC podrán hacer prácticas de cocina en un espacio debidamente equipado para ello.
RESIDENCIA MANUEL AGUD QUEROL
Pş Berio, 9
Tel 943 563000
Regimen alojamiento
Precio aproximado desde 403€ hasta 690€/mes
Residencia de la Universidad de País Vasco; alojan prioritariamente a los estudiantes de la UPV pero pueden tener plazas disponibles desde la reciente ampliación.

BIZILEKUA PARTEKATUTAKO ETXEETAN


Interesdunek aldez aurretik baimena emanda, BCCko ikasleen bulegoak elkarrekin harremanetan jartzen ditu ikasleak etxea alokatzeko antolatu daitezen. APP BCC Students app-aren bidez, gainera, jabeek jakinarazita alokagai dauden etxe/gelen berri ematen diegu onartutako ikasleei. Donostian, batez beste 350 € ingurukoa da ikasle batek hilean partekatutako etxe batean ordaindu behar izaten duen prezioa

Bidaiaren aurreko tramiteak


Kirol-zerbitzuak

MUk eskaintzen duen kirol-zerbitzuaren bidez, ikasleek taldeko nahiz banakako kirolaz edota taldekako irteerez goza dezakete (eskiatzeko asteburuak, surf irteerak, etab. ).

Horretaz gain, Donostiak eskaintza zabala du kiroletarako udal instalazioetan. Kirol Txartelari esker hiriko udal instalazio guztiez gozatu ahal izango duzu oso prezio eskuragarrian. Informazio gehiagorako, erabili ondorengo esteka.

Deportes
Deportes
Deportes

Bizi Kostuaren Info


Donostia - San Sebastián

Donostia Gipuzkoako administrazio hiriburua da, Euskadi osatzen duten lurraldeetako bat, non bi hizkuntza ofizial bizikide diren: gaztelania eta euskara.

Kantauri itsasoaren ertzen, Donostia aparteko edertasuna duen inguru natural bateko hiri txiki bat da. Erregeen eta jaunen opor-leku, Belle Epoque garaian, tradizioa eta modernotasuna bizikide diren jaun-hiri bihurtu zen Donostia.

donostia
donostia
donostia
Donostia Turismok utzitako irudiak
Bere edertasun ikusgarriaren parekorik badago, bertako gastronomia da hori: “euskal sukaldaritza berriaren” sorleku, sukaldaritzako abangoardiaren muin eta pintxoen munduko hiriburu, Donostia biztanleko Michelin izar gehien dituen hiria da munduan. Bere jatetxeen garrantziak, elkarte gastronomikoek eta bertako lehengaien kalitateak, mundu mailako gastronomia erreferente bihurtzen dute Donostia. Which aldizkari britainiarrak, ez zuen halabeharrez hautatu Donostia munduko helburu gastronomikorik onena gisa.

Azken urteetan, berrikuntza eta iraunkortasuna Donostiaren garapenaren ardatz nagusi izan dira, eta ekimen horrek aparteko leku bihurtu du bai oinezkoentzat bai bizikletaz dabiltzanentzat.

donostia
donostia
donostia
Donostia Turismok utzitako irudiak
ZERGATIK IKASI GASTRONOMIA DONOSTIAN?
  • Donostian, Euskadiko gainerako lekuetan bezala, gastronomia gizartearen parte delako eta edozein gertaera eta ospakizunetan mahaiko gauza goxoekin gozatzen delako. Donostiak, 185.000 biztanleko hiriak, 120 gastronomia elkarte ditu.
  • Espainian hiru Michelin izar dauzkaten zortzi jatetxeetatik lau Euskadin daudelako, eta horietatik hiru Donostian daudelako.
  • Bere eskaintza kulturalagatik, mundu mailako aitorpena duten zinema eta jazz jaialdiengatik. Donostia 2016ko Europako Kultur Hiriburu izendatu dute.
  • Bertako hondartzengatik, aukera-aukerakoak dira urte osoan surfa egiteko.
  • Mendiagatik, 2,5 ordutara daude Pirinioak.
  • Hiri segurua, eskuragarria eta erosoa delako.

donostia
donostia
donostia
Donostia Turismok utzitako irudiak
NOLA IRITSI DONOSTIARA
Donostia Espainiako hiri nagusienekin lotuta dago autobus, tren eta hegazkin bidez.

Donostiako aireportua hiritik 20 km-ra dago. Aireportu txikia da, Madrilerako eta Bartzelonarako hegaldi zuzenak dituena. Autobus zerbitzua eskaintzen du hiriaren erdiguneraino.

Bilboko nazioarteko aireportua, Donostiatik ordubetera dago, eta hiriarekin lotuta dago, aireportutik abiatzen den maiztasun handiko autobus zerbitzu baten bidez.

Biarritzeko nazioarteko aireportua, Donostiatik 45 minutura dago, baina bertara zuzenean iristeko autobus bakarra eskaintzen du eta egunean behin.
donostia Donostia Turismok utzitako irudiak


BCC Students

Los estudiantes de Basque Culinary center durante el periodo de su formación podrán acceder en exclusiva a la aplicación de móvil APP BCC Student. Mediante esta aplicación el estudiante recibirá notificaciones de becas remuneradas, actividades extra de aprendizaje, eventos en los que puede participar, de invitaciones a máster class exclusivas y tendrá información en exclusiva de la oferta de alojamiento, de los descuentos para los estudiantes, reservas de comidas en cafetería y restaurante, transporte, etc.


Catalogo

JATETXEETAKO GOZOGINTZAN ETA SUKALDARITZA GOZOAN MASTERRA MASTERRA egitea interesatzen zaizu?

Sartu hemen zure helbide elektronikoa eta izena eta PDF bat bidaliko dizugu JATETXEETAKO GOZOGINTZAN ETA SUKALDARITZA GOZOAN MASTERRA MASTERRARI buruzko informazio garrantzitsuenarekin
Bidali
Desarrollado por: www.dedomultimedia.com