Negozioen, berrikuntzaren eta jatetxeen kudeaketaren sektorean esperientzia duzu? Gastronomiaren munduan nazioartean aitzindaria den erakundearen  kidea izatea gustatuko litzaizuke? Jarraitu irakurtzen zer eskain diezazukegun jakiteko! 

Basque Culinary Centerren, gastronomian eta berrikuntzan nazioarteko erreferentzia den erakunde akademikoan, zu bezalako norbait inkorporatzea gustatuko litzaiguke.  Ekintzailetzako eta Negozio Berrikuntzako irakasle baten bila gabiltza, Gastronomia eta Zientzien Fakultatean lan egiteko. Zure lana funtsezkoa izango da gastronomiaren sektorea garatzen laguntzeko, formakuntza, ikerketa eta berrikuntza ardatz nagusi  dituen erakundearen hazkundea bultzatzeko.  

Zure eginkizun nagusia Negozioen eta Jatetxeen Kudeaketaren arloko proiektuen formakuntzan eta garapenean parte hartzea izango da. Gainera, ikerketa, aholkularitza eta ezagutza sustatzeko proiektuetan parte hartzeko aukera izango duzu, ingurune dinamiko batean lan eginez.  

Gure lan ildo nagusiak honako hauek dira: 

• Formakuntza eta mentorizazio jardueren diseinuan laguntzea. 
• Klaseak ematea ikuspegi praktiko eta esperientzial batetik ("learning by doing"), metodologia  kontuan hartuz eta ikasleekin coach gisa lan eginez.  
• Negozio gastronomikoen kudeaketaren eta berrikuntzaren arloko ikerketa eta  aholkularitza proiektuetan laguntzea. 

Identifikatuta sentitzen zara ezaugarri hauekin? 

• Ekonomiako edo antzeko arloetako Unibertsitate Gradua duzu. 
• Unibertsitate Masterra duzu Jatetxeen Kudeaketan, Negozioetan edo antzeko esparruetan. 
• Gutxienez 5 urteko esperientzia duzu sukaldaritzako eta gastronomiako proiektuak kudeatzen, negozioen, ikerketaren eta/edo aholkularitzaren ikuspegitik. 
• Gaztelania eta ingelesa maila profesionalean menderatzen dituzu (C1). 
• Pertsona proaktiboa eta autonomoa zara, eta ingurune berritzaile batean taldean lan egiteko gaitasuna duzu. 

Gure arreta piztuko duzu... 

• Doktoretza duzu negozioekin, ekintzailetzarekin, berrikuntzarekin eta/edo kudeaketarekin lotutako gaietan. 
• Nazioartean negozioekin eta aholkularitzarekin erlazioa duten proiektuak kudeatu dituzu.  
• Irakaskuntza arloan esperientzia duzu.  
• Negozio gastronomikoak zaharberritzeko eta kudeatzeko teknologia eta tresna digital berrien erabilera bultzatu duzu. 
• Unibertsitateko ikerketarekin erlazioa duten proeiktuan burutu dituzu, jatetxeen negozioen eta kudeaketaren arloan. 
• Euskara maila altua duzu (C1). 

Zer espero dezakezu Basque Culinary Centerretik? 

• Hazkunde momentuan dagoen proiektu aitzindari baten parte izatea.  
• Kultura anitzeko ingurune berritzaile batean garatzeko aukera.  
• Kontratu mugagabearekin eta lanaldi osoan.  
• Ordutegi malgutasuna izango duzu, eta telelana partzialki egiteko aukera, dedikazioaren arabera. 

Gure taldean lan egitea gustatuko litzaizuke? Gastronomia, hezkuntza eta negozioetako berrikuntza gustatzen bazaizkizu,  zure zain gaude!