Gastronomiaren mundua gustuko duzu? Baduzu esperientzia sukaldean lan egiten? Nazioarteko erakunde aitzindariaren kidea izatea gustatuko litzaizuke? Jarraitu irakurtzen zer eskaini ahal dizugun jakiteko! 

Zure eginkizun nagusia Basque Culinary Centerren antolatzen diren ekitaldien ekoizpen gastronomikoa kudeatzea izango da. Bertan, hainbat eragilerekin (bezeroak hornitzaileak, erakundeak...) harremanak izateko aukera izango duzu, eta, horrela, BCCren ekitaldien kudeaketako prozesuak hobetzea lortuko duzu. 

Gure lan ildo nagusiak honako hauetan oinarritzen dira: 

• Ekitaldien mise en place-a planifikatzea, antolatzea eta lantzea. 
• Sukalde-instalazioak garbitu eta antolatzea. 
• Jarduera garatzeko behar diren lehengaien/tresnen eskaerak egitea. 
• Menuen txandakatzea sustatzea, behin-behinekotasuna eta tokiko produktua lehenetsiz. 
• Lantaldeen eta ikasleen koordinazioa sustatzea,  haien formakuntza  eta motibazioa sustatuz. 
• Aurrekontuaen kontrola eta jarraipena egitea,  eskura dauden baliabideen erabilera optimizatuz. 
• Elikagai-soberakinak antolatzea eta aprobetxatzea. 

Identifikatuta sentitzen zara ezaugarri hauekin? 

• Gutxienez urtebeteko esperientzia duzu sukaldari bezela lan egiten, 
• Goi mailako gradua duzu  Sukaldaritza Zuzendaritzan edo Gastronomia arloan.   
•  Komunikazio trebetasuna eta planifikatzeko eta antolatzeko gaitasuna duzu.  
• Elkarlanak motibatzen zaitu. 

Gure arreta piztuko duzu... 

• Euskara eta ingeles maila altua duzu (C1). 
• Sukaldaritza-teknika garaikideak eta abangoardiakoak ezagutzen dituzu. 
• Pertsona proaktiboa eta malgua zara, eta taldeari ezagutza eta ideia berriak emateko gogoa duzu. 

Zer espero dezakezu Basque Culinary Centerretik? 

• Konfiantzan oinarritutako giroan lan egitea. Independentzia eta malgutasun handia eskaintzen dugu, helburuak lortzeari garrantzia emanez. 
• Kontratu mugagabea lanaldi osoan.  
• Etengabe hazten ari den proiektu baten parte izango zara, diziplina eta kultura anitzeko ingurune batean, mundu gastronomikoaren ikuspegi globala izateko aukera emango dizuna. 
• Lan giro ona mantentzeari garrantzia ematen diogu.. Gure taldeko pertsonak zaintzen eta arduratzen ditugu. 

Gure taldean lan egitea gustatuko litzaizuke? Bidal iezaguzu zure hautagaitza. Zain gaituzu!