Gustuko al dituzu salmentak, prestakuntza eta nazioarteko inguruneak? Motibatzen al zaitu ikaskuntza esperientzia bakarrak sortzeak eta erakunde eta enpresekin lankidetzan aritzeak eragin handiko prestakuntza-proiektuak garatzeko? Hala bada, Basque Culinary Center-en zure bila gabiltza! 

Neurrira Egindako Prestakuntza eta Aliantza Akademikoen Arloan arituko zara, enpresa eta erakundeekin harremanetan laguntza emanez, aukerak identifikatzen eta haien beharretara egokitutako prestakuntza-proposamenak diseinatzen lagunduz. 

Zure egunerokotasunean... 

• Enpresa, erakunde eta taldeekin harreman zuzena mantenduko duzu, haien beharrak entzunez eta neurrira egindako prestakuntza-proposamenak sortuz.  
• BCCko aliantza estrategikoen barruan bezeroak erakartzen eta fidelizatzen lagunduko duzu.  
• Formakuntza-proposamen komertzialak sortzen lagunduko duzu: edukia, ikuspegi pedagogikoa, formatua eta aurrekontua.  
• Barne eta kanpo eragileekin negoziazioetan lagunduko duzu.  
• Neurrira egindako proiektuen logistika kudeatuko duzu: hizlarien bidaiak eta ostatua, espazioak, catering-a, dokumentazioa eta koordinazioa.  
• Emaitzen analisi eta ebaluazioetan parte hartuko duzu, hobekuntzak proposatzeko eta kalitatea hobetzeko.  

Ezaugarri hauekin identifikatuta sentitzen zara? 

• Goi Mailako Heziketa Zikloa Merkataritza Kudeaketan, Nazioarteko Merkataritzan edo antzeko arloetan.  
• Gutxienez urtebeteko esperientzia prestakuntza salmentan.  
• Euskara eta ingelesa C1 mailan.  
• Trebetasun sozialak, gertutasuna eta konfiantza harremanak sortzeko gaitasuna.  

Gure arreta piztuko duzu... 

• ADE edo antzeko gradua izatea.  
• Nazioartekotze programetan parte hartu izana (BEINT, Global Training…).  
• CRM tresnak menderatzea.  
• Gastronomia eta/edo prestakuntza sektorean ezagutza edo esperientzia izatea.  

Zer espero dezakezu Basque Culinary Centerretik? 

• Formakuntza eta gastronomian nazioarteko eta aitzindari den proiektu batean parte hartzea.  
• Aldi baterako kontratua, lanaldi osoan. 
• Malgutasuna eta telelanerako aukera.  
• Pertsonak zaintzen dituen, lankidetza sustatzen duen eta hazkunde profesionala bultzatzen duen ingurunea.  
• Desgaitasun Ziurtagiria baduzu, jakinarazi iezaguzu behar duzun laguntza bermatzeko. 

Gure taldean lan egitea gustatuko litzaizuke? Bidali zure hautagaitza. Zure zain gaude!