Baduzu berrikuntza proiektuen kudeaketan lan egiten esperientziarik? Nazioarteko konexioak dituen Zentro Teknologiko batean lan egitea gustatuko litzaizuke? Jarraitu irakurtzen zer eskain dezakegun jakiteko! 

Basque Culinary Center-eko Zentro Teknologikoan, GOe Tech Center-en, lan egingo duzu. Zure eginkizun nagusia gastronomiaren eta elikaduraren sektoreko enpresekin eta erakundeekin berrikuntza-proiektuak garatzea izango da. 

Hauek dira lan-ildo nagusiak: 

• Proiektuak koordinatu eta gauzatzea, lan-taldea kudeatzea eta inplikatutako pertsonekin harremana mantentzea. 
• GOe Tech Center-eko proiektuetan interesa izan dezaketen eragile edo pertsonak identifikatu eta erakartzea. 
• Zentro Teknologikoaren balio-proposamenean laguntzea. 
• Proiektuen entregak modu kolaboratiboan garatzea. 

Ezaugarri hauekin identifikatuta sentitzen zara? 

• Enpresen Administrazio eta Zuzendaritzako, Ekonomiako edo antzeko arloetako gradua duzu. 
• Gutxienez 2 urteko esperientzia duzu berrikuntza-proiektuen kudeaketan. 
• Egoeraren diagnostikoa egiteko, estrategiak definitzeko eta ekintza-planak garatzeko esperientzia duzu. 
• Eragile desberdinekin harremanetan aritzeko gaitasuna duzu, hala nola erakunde publikoekin edo zuzendaritza-taldeekin. 
• Euskara eta ingeles maila altua (C1) duzu. 
• Proiektuaren beharren arabera bidaiatzeko prestasuna duzu. 

Gure arreta piztuko duzu... 

• Enpresa arloko masterra baduzu. 
• I+G+b departamentuetan edota aholkularitza estrategikoan lan-esperientzia baduzu, bereziki negozio-ereduen berrdefinizio eta eraldaketa prozesuetan. 
• Nazioarteko proiektuetan parte hartu baduzu, ingurune multikultural eta dinamikoetan lan eginez. 
• Orientazio komertziala eta negozio-aukera berriak identifikatu eta garatzeko gaitasuna baduzu. 
• Hainbat proiektutan lan egiteko gaitasuna baduzu, antolakuntza, eraginkortasun eta helburuen betetze maila altuak mantenduz. 

Zer espero dezakezu Basque Culinary Center / GOe Tech Centerretik? 

• Konfiantzan oinarritutako lan-ingurunea, autonomia, malgutasuna eta emaitzetara bideratutako lana. 
• Lanpostu mugagabea, lanaldi osoan. 
• Etengabe hazten ari den ekosistema baten parte izatea, ingurune multidiziplinar eta multikultural batean, gastronomiaren munduaren ikuspegi globala izateko aukera emango dizuna. 
• Lan-giro ona mantentzeari garrantzia ematen diogu Gure taldeko pertsonak zaintzeaa garrantzitsua da guretzat. 
• Inklusioa sustatzen dugu. Desgaitasun-ziurtagiria baduzu, esaiguzu, guk kontuan har dezagun behar duzun laguntza daukazula.  

Gure taldean lan egitea gustatuko litzaizuke? Bidali zure hautagaitza. Zure zain gaude!