Berrikuntzarekiko pasioa duzu eta gastronomiaren etorkizuna eraldatuko duten I+G proiektuak bultzatzeko motibazioa? 

Goe Tech Center-en, Basque Culinary Center-eko Teknologia Zentroan, elikaduraren arloan bereziki ikerketa-proiektuen kudeaketan eta koordinazioan ibilbide sendoa duen pertsona bat bilatzen ari gara. Zientzia eta sormena bat egiten duten ingurune aitzindari batean lan egitea ilusioz betetzen bazaitu, aukera bikaina izan daiteke zuretzat! 

Zure eginkizun nagusia izango da zentroko I+G proiektuen kudeaketa eta koordinazioa gidatzea, martxan dauden ekimenen jarraipena bermatuz, deialdien estrategia-lehentasunak zehazteko laguntza emanez eta entregagarrien eta txosten teknikoen kalitatea ziurtatuz. 

Gure lan-ildo nagusiak honako hauek dira: 

• I+G proiektuen bilakaera kontrolatu eta gainbegiratzea. 
• Proiektuen plangintza estrategikoa bultzatzea, ikerketa-ildoak deialdi nazional eta europarrekin lerrokatuz. 
• Proiektuen egutegiak, baliabideak eta entregagarriak koordinatzea. 
• Deialdi europar eta nazionaletarako memoria tekniko eta administratiboak prestatzen laguntzea. 
• Kanpo-eragileekin harremanak izatea: finantzaketa-erakundeak, bazkide teknologikoak eta aliatu estrategikoak. 
• Txostenak, emaitzen dokumentazioa eta proiektuen mugarriak prestatzea. 

Zure berri izan nahi genuke baldin eta: 

• Unibertsitateko prestakuntza baduzu arlo zientifiko-teknologikoetan (Ingeniaritza, Bioteknologia, Elikagaien Zientzia eta Teknologia edo antzekoak). 
• I+G arloan 10 urte baino gehiagoko esperientzia baduzu, proiektuen kudeaketan ardurako postuak hartuz. 
• Finantzaketa publikoko programak eta deialdiak ezagutzen badituzu (nazionalak eta europarrak). 
• Taldeen kudeaketan, plangintzan eta ekimenen lidergoan gaitasun frogatua baduzu. 
• Komunikazio-trebetasunak, pentsamendu analitikoa eta antolaketa gaitasuna badituzu. 
• Ingeles maila aurreratua baduzu (C1). 

Alderik handiena markatuko duzu baldin eta: 

• Zure esperientzia elikagai-industria edo sektore honekin lotutako teknologia-zentroetatik badator. 
• Programa publikoko proiektuak gidatu badituzu (Horizon Europe, CDTI, Hazitek, etab.). 
• Euskara maila aurreratua baduzu (C1). 
• Europako entregagarri eta memoria teknikoak prestatzen esperientzia baduzu. 

Zer eskaintzen dizu Goe Tech Center-ek? 

• Etengabe hazten ari den proiektu aitzindari baten parte izatea, berrikuntza gastronomikoarekiko grina duen diziplina anitzeko talde batean. 
• Lanaldi osoko lan-kontratu mugagabea. 
• Telelan egiteko aukera. 
• Giro lan ona mantentzeko parte aktiboa izango zara. Taldeko pertsonak zaintzen ditugu. 
• Ingurune inklusiboa sustatzen dugu. Ezgaitasun Ziurtagiria baduzu, jakinarazi iezaguzu behar duzun laguntza bermatzeko. 

Gure taldean tokia duzula sentitzen baduzu, bidali zure hautagaitza zalantzarik gabe!