Haurrekin lan egiten  esperientzia duzu eta sukaldaritza zure pasioa da? Imajinatzen duzu hezkuntza, gastronomia eta dibertsioa batzen dituen proiektu aitzindari baten parte izatea? Ba orduan, proiektu hau zuretzat da! 

Basque Culinary Center-en gastronomiarekin erlazioa duen proiektuak sustatzen ditugu. Horregatik, Chef de la Clase izeneko programa bultzatzen dugu, 8 eta 12 urte bitarteko haurrei sukaldaritzaren mundua modu dibertigarri, osasuntsu eta parte-hartzailean ezagutzeko gonbita egiten dien egitasmoa, Eroskirekin elkarlanean arituz. Elikadura osasuntsua, errespetua eta lankidetza bezalako balioak transmititzeko gogoa baduzu,  ezagutu nahi zaitugu! 

Zure eginkizun nagusia  Chef de la Clase haur-programaren saioak garatzen eta gauzatzen laguntzea izango da, Bizkaiko Eroski hipermerkatuetan, betiere ikaskuntzarako ingurune seguru, dinamiko eta motibatzailea bermatuz, proiektuaren koordinatzaile baten gainbegirapean eta irakasleari zuzeneko laguntza eskainiz. 

Zure lan-ildo nagusiak izango dira... 

• Jarduera gastronomikoetarako beharrezko materialak eta tresnak prestatzea eta antolatzea. 
• Haurrei laguntza eta orientazioa eskaintzea sukaldaritza-jardueretan, segurtasun- eta higiene-arauak betetzen direla zainduz. 
• Giro positibo, inklusibo eta lankidetzazkoa sustatzea. 
• Irakasleari laguntza logistiko eta hezitzailea ematea. 

Identifikatuta sentitzen zara ezaugarri hauekin? 

• Sukaldaritza, Gastronomia, Turismoa edo antzeko arloko Erdi edo Goi Mailako Gradua duzu. 
• Haurren behar eta errealitateei buruzko esperientzia eta ezagutza duzu. 
• Euskara maila altua duzu (C1). 

Gure arreta piztuko duzu... 

• Hezkuntza-arloko edo haurrekin egindako formakuntza-proiektuetan lan egin baduzu. 
• Komunikaziorako gaitasuna eta talde-lanerako ahalmena badituzu. 
• Konprometitua, enpatikoa eta gertukoa bazara. 
• Ideia sortzaileak emateko gai bazara eta ingurune ezberdinetara egokitzeko gaitasuna baduzu. 

Zer eskaintzen dizugu? 

• Eragin sozial eta hezitzailea duen proiektu berritzaile batean parte hartzea. 
• 2025eko urritik 2026ko urtarrilera arteko kontratua. 
• Astearteetik ostiralera goizez lan egiteko ordutegia. 
• Konfiantzan oinarritutako lan-giroa. 
• Errespetuan, konfiantzan eta taldearen zaintzan oinarritutako lan-giro atsegina. 
• Ingurune inklusiboa sustatzen dugu. Desgaitasun Ziurtagiria baduzu, jakinarazi iezaguzu, behar duzun laguntza bermatzeko. 

Gure taldean lan egitea gustatuko litzaizuke? Ez izan zalantzarik eta bidali zure hautagaitza!