Gastronomiaren sektorean espezializatutako zentro teknologiko batean garatzea gustatuko litzaizuke? Interesatuko litzaizuke elikagaien kalitate-parametroak ebaluatzera bideratutako ikerketa gastronomikoan espezializatzea? 

Basque Culinary Centerreko Zentro Teknologikotik (BCC Innovation), Teknologo gisa lan egin dezan pertsona baten bila gabiltza. Zure helburu nagusia gastronomiaren arloko ikerketa- eta berrikuntza-proiektuetan parte hartzea izango da, elikagaien parametro fisiko-kimikoak eta mikrobiologikoak ebaluatuz. 

Gure lan-ildo nagusiak honako hauek dira: 

• UNE 166002 arauaren araberako kalitatearen kudeaketa (I+G+Bren kudeaketa: I+G+Bren kudeaketa-sistemaren eskakizunak). 
• Elikagaietan metodo analitiko fisiko-kimikoak eta instrumentalak prest jartzea, optimizatzea eta balioztatzea. 
• Osagaien, elikagaien eta formulazio berrien karakterizazio fisiko-kimikoa, instrumentala eta mikrobiologikoa. 
• Intereseko metabolitoak ekoizten dituzten mikroorganismoak hautatzea, elikagai berrietan txertatzeko. 
• Abian diren ikerketa- eta berrikuntza-proiektuetan parte hartzea. 
• Gure gaur egungo ikerketa-prozesuak ulertzea eta aplikatzea, hainbat diziplinatako profilekin lankidetzan lan eginez: sukaldaritza-arteak, nutrizioa, jasangarritasuna, ebaluazio sentsoriala... 

Identifikatuta sentitzen zara honako ezaugarri hauekin? 

• Kimikan, Gastronomian eta Sukaldaritza arloan Gradua duzu, Elikagaien Zientzia eta Teknologian, Bioteknologian, Farmazian edo antzekoetan. 
• Elkarrizketa-maila handia duzu gaztelaniaz, euskaraz eta ingelesez. 
• Diziplina anitzeko inguruneetan lan egiten eroso sentitzen den pertsona proaktiboa zara. 
• Motibazioa duzu etengabe ikasteko eta sektoreko azken joera eta teknologiekin eguneratuta egoteko. 

Gure arreta piztuko duzu...  

• Eroso sentitzen zara taldean lan eginez. 
• Gastronomia arloko zentro teknologikoan lan egiteak motibatzen zaitu. 
• Detaile txikiei erreparatzen diezu. 

Nola lor dezakezu beka? 

• Bekaren izenburua honako hau da: Ikerketa gastronomikoa: elikagaien kalitate-parametroen ebaluazioa analisi fisiko-kimiko eta mikrobiologikoen eta elikagaien eta prozesuen garapen berritzaileen bidez. 
• IKERTALENT 2024 programaren deialdira aurkeztuko zara – Nekazaritza, arrantza eta elikadura sektoreko zientzia, teknologia eta enpresa arloko doktoratu aurreko ikertzaileentzako eta teknologoentzako prestakuntza-laguntzak. 
• Izena uztailaren 1a baino lehen emango duzu, Eusko Jaurlaritzaren IKERTALENT 2024 aplikazioaren bidez: https://www.euskadi.eus/ayuda_subvencion/2024/programa-ikertalent/web01-tramite/es/
• Teknologoentzako 2 urteko prestakuntza-programa bat da.  

Zure zain gaude!