Aurkezpena

HURRENGO EDIZIOAREN HASIERA: 2026KO IRAILAREN AMAIERAN

EMAN IZENA HEMEN - Izen-ematea irekita egongo da 2026ko irailaren 18ra arte edo plazak agortu arte.

Lidera ezazu sommeliergintza berria: berrikuntza, esperientzia eta edari-munduaren ikuspegi estrategikoa

Sommeliergintza bilakaera izaten ari da. Kontsumitzaile berriek, edari berriek, NoLo edarien goraldiak eta esperientzia bereizgarriak sortzeko beharrak profil berritzaileagoa, estrategikoagoa eta edarien negozioarekin lotura handiagoa duena eskatzen dute.

Sumilleritzako eta Likidoen Munduko Berrikuntzako Masterrak rol berri hori bultzatzen du. Balio handiko edari-proposamenak diseinatzeko, proiektu berritzaileak lideratzeko eta goi-mailako gastronomian eta sukaldaritza garaikidean aldea markatzen duten esperientziak komunikatzeko, kudeatzeko eta garatzeko trebatuko zaitu.

Zergatik eraldatuko du master honek zure profil profesionala?

• Sommeliergintza berria, ikuspegi globala: Menderatu edari-unibertso garaikidea: ardoa, edari-kategoria berriak, NoLo edariak, mixologia, jasangarritasuna eta berrikuntza, egungo gastronomiari aplikatuta.
• Berrikuntza edari-proposamenetan eta sommelierraren rol estrategikoa: Ikas ezazu edari-proposamen bereizgarriak diseinatzen, inpaktuz komunikatzen eta jantokiko zerbitzutik harago doazen rol estrategikoak barneratzen, kudeaketa-ikuspegia txertatuz.
• Ikasi onenengandik: Treba zaitez gaur egun sektorea lideratzen duten goi-mailako gastronomiako, edari-berrikuntzako eta aholkularitza espezializatuko profesionalez osatutako erreferentziazko klaustro batekin.
• Metodologia hibridoa eta praktikoa: Online bidezko prestakuntza eta dastatze teknikoetan, benetako kasuetan eta testuinguru profesionalera aplikatutako proiektuen garapenean oinarritutako metodologia esperientziala konbinatzen ditu.
• Bereizgarritasuna, nazioarteko proiekzioarekin: Indartu zure profila, WSET Ardoari buruzko 3. Mailako ziurtagiriarekin.

Lortu informazio gehiago masterrari buruz, koordinatzaile akademikoei entzunez:

INFORMAZIO ERABILGARRIA

• Hasiera-data: 2026ko irailaren 21a
• Hizkuntza: Gaztelania
• Iraupena: 60 ECTS kreditu
• Gehienez 20 plaza
• Master honek FUNDAEren hobaria jaso dezake zati batean
• Modalitate erdi-presentziala
• Irakaskuntza-lekua: aurrez aurreko egonaldia Basque Culinary Center-en
• Eskola-aldia: 2026ko irailaren 21etik 2027ko martxoaren 19ra
  • Online-aldia: 2026ko irailaren 28tik 2027ko urtarrilaren 31ra
  • Aurrez aurreko aldia: 2027ko otsailaren 1etik martxoaren 19ra (bi hilabete)
• Praktika-aldia: 2027ko maiatzaren 1etik uztailaren 27ra. Praktikak aurretiazko esperientzia profesionalaren arabera baliozkotu ahal izango dira.
• Titulu mota: Mondragon Unibertsitateko Etengabeko Prestakuntzako titulua, Basque Culinary Center-ek emana
• Titulazioa: Sommeliergintzako eta Edari-munduko Berrikuntzako Etengabeko Prestakuntzako Masterra eta Ardoei buruzko 3. mailako WSET® ziurtagiri ofiziala
• Kontsultak egiteko eta informazio gehiago eskuratzeko, bete inprimakia hemen
• Zure etorkizun profesionalean inbertitu nahi duzu, baina horretarako laguntza behar duzu? Gure prestakuntza-programetara sarbidea errazteko finantzaketa-aukerak ditugu. Informazio gehiago nahi baduzu, bete hurrengo inprimakia.

ZER GAITASUN GARATUKO DITUZU MASTER HONETAN

• Sommeliergintza profesionalaren oinarri sendoak: Mendera itzazu zerbitzua, upategiaren kudeaketa, analisi sentsoriala eta lanbidearen oinarri klasikoak, gaur egungo ikuspegi profesional batekin.
• Edari-mundu garaikidearen ikuspegi globala: Uler itzazu ardoak, destilatuak, hartzituak, NoLo edariak eta kategoria berriak, duten balio gastronomikoa, kulturala eta komertziala txertatuz. Barruan sartzen da Ardoari buruzko 3. mailako WSET ziurtagirirako prestakuntza.
• Berrikuntza eta edari-proposamenen diseinua: Ikas ezazu proiektu gastronomikoaren nortasunarekin bat datozen zeure edariak, karta bereizgarriak eta esperientzia likidoak sortzen.
• Edarien departamentuaren kudeaketa eta errentagarritasuna: Planifikatu erosketak, kontrolatu inbentarioak, txertatu tresna digitalak eta hartu erabakiak ikuspegi ekonomiko eta estrategiko batetik.
• Esperientzia, komunikazioa eta lidergoa: Diseina itzazu uztartze eta harmonia gogoangarriak, komunika ezazu inpaktuz eta har ezazu sommelier rol estrategiko bat exijentzia handiko inguruneetan.

MASTERRAREN AUKERA PROFESIONALAK

1. Goi-mailako gastronomiako eta bikaintasunezko jatetxeetako sommelierra

2. Upategiaren kudeaketa eta edari-eskaintzaren arduraduna

3. F&B sailetako edarien espezialista

4. Edariei buruzko aholkularitza

5. Esperientzia likidoen eta ekitaldi enogastronomikoen garapena

6. Dibulgazio espezializatua

7. Ekintzailetza edarien sektorean

Masterrari buruzko informazio gehiagorako, ikus ezazu bideo hau, non koordinazioko lantaldeak unibertso likidoari buruzko bestelako begirada bat ematen duen:

Ezagutu gure Alumni komunitatearen esperientzia:

Leticia Sanz Alonso - Bodega Javier Sanz Viticultor

Nire ibilbidea upategiko hainbat sailetan garatu zen; horrek familia-enpresa bat zuzentzeak eskatzen duen moldakortasuna eta dituen erronkak ulertzeko aukera eman zidan. Masterretik gehien nabarmenduko nuke sektoreko profesionalekin sortutako networking baliotsua, mahastizaintza eta ardogintzako eskualde nagusietara egindako bidaietako ikaskuntza praktikoa eta Donostiako kultura enologikoa bertatik bertara ezagutzeko aukera. Master honek nire hazkunde profesionala bultzatu du, eta, zalantzarik gabe, berriro aukeratuko nukeen esperientzia eraldatzaile bihurtu da.

10+1 arrazoi

MASTER HAU EGITEKO ARRAZOIAK

1. Sommeliergintzaren ikuspegi berritzailea eta diziplina anitzekoa

Sektorearen eraldaketaren aurreko zuzeneko erantzun gisa aurkezten da masterra, ardoetan eta zerbitzuan oinarritutako ikuspegi tradizionala gaindituz. Sommeliergintza garaikide baten aldeko apustua egiten du, barne hartuko dituena edarien unibertso osoa, berrikuntza edarien eta esperientzien sorkuntzan, kudeaketa integrala, bai eta analisi sentsorial zientifikoa bezain pertzeptiboa.

2. Edari-munduaren 360º-ko ikuspegia

Ardotik haragoko ikuspuntua: edari espiritudunak, edari hartzituak, NoLo edariak, sagardoak, kafeak, infusioak, urak, bermutak eta beste hartzen ditu, horien prozesuak, kultura, dastatzeak eta bisitak barne. Ikuspegi hedatu eta zeharkako horrek bere izaera aitzindaria indartzen du.

3. Profesionalei zuzendutako modalitate hibridoa

Masterrak duen formatu erdi-presentzialari esker (5 hilabete online + 2 hilabete presentzial), prestakuntza eta jarduera profesionala eta pertsonala uztartu daitezke.

4. WSET 3 ziurtagiria txertatuta

Masterraren barruan sartzen dira ardoei buruzko WSET 3 ® ziurtagiri ofizialerako materialak, prestakuntza eta azterketa-tasak; ziurtagiri horrek onarpen handia du nazioarte mailan. Era horretan, indartu egiten da ikaslearen enplegagarritasuna, eta balio erantsia ematen zaio titulu nagusiari.

5. “Learning by Doing” metodologia

Tailer praktikoak, benetako erronkak, esperientzien diseinua, ekoizpen-eremuak ezagutzeko bisitak, dastatze-saioak, uztartzeak eta proiektu integratzaileak hartzen ditu barne masterrak. Metodologia esperientzial horrek sendotu egiten du ikaskuntza aplikatua, eta merkaturako funtsezkoak diren gaitasunak sustatzen ditu.

6. Goi mailako nazioarteko klaustroa

Ikasleak sektoreko abangoardiekin harremanetan jarriko duen prestigio akademiko eta profesionaleko talde bat izango du: goi mailako sommelierrak, edarien garapenean adituak, Master of wine tituludunak eta askoz gehiago.

7. Eboluzionatzea eta zure profil profesionala eguneratzea

Masterrak irtenbide profesional ugaritarako trebatuko ditu ikasleak, esperientzia likidoen sortzaile, goi mailako gastronomiako sommelier, upategiko kudeatzaile, aholkulari estrategiko edo edari-munduko ekintzaile izateko, besteak beste. Profesional berri globalagoen eta moldakorragoen eskariari erantzuten dio.

8. Esperientzia finkatua eta BCCren errekonozimendua

BCCk sommeliergintzan egin duen hamar urteko prestakuntza-ibilbidearen ondoren sortu da master berri hau. Erakundearen sendotasun instituzionala, nazioarteko errekonozimendua eta komunitate profesionalaren eta akademikoaren know-how-a jartzen ditu tituluaren izenaren eta kalitatearen berme gisa.

9. EDA Drink & Wine Campusarekiko lotura estrategikoa

Masterra lotuta dago EDA Drink & Wine Campusaren etorkizuneko egoitza berriarekin, edarietan eta ardoetan espezializatutako espazio gisa sortuko dena. Konexio horri esker, garatzen ari den eta berrikuntza, ikerkuntza aplikatua eta ardo eta edarietan adituak diren profesionalen nazioarteko aholku-batzorde bat izango dituen ekosistema baten erdigunean jarriko ditu parte-hartzaileak, programa edari-munduaren erreferentziazko ingurune baterantz proiektatuz.

10. Benetako ingurune profesionalean aplikatzea

Curriculumeko praktikak benetako inguruneetan egiteak eta Master Amaierako Proiektua garatzeak aukera ematen du ezagupenak praktikara eramateko, sektorearen egungo erronkekin esperimentatzeko eta prestakuntza norbere proposamen berritzaile batekin amaitzeko. Prozesu horrek profil profesional bereizgarri bat ezartzen du, etengabe bilakatzen ari den merkatu batean nabarmentzeko prestatuta egongo dena.

+1. Proiekzio profesionala eta lidergo-posizioetara iristea

Ikasleen proiekzio profesionala azeleratzeko diseinatuta dago masterra, sommeliergintzaren eta edarien munduan erantzukizun handiagoko rolak eskuratzen lagunduz. Duen ikuspegi estrategikoari, kontaktu-sareari eta ingurune profesionalarekin duen zuzeneko harremanari esker –praktiken, bisiten eta jardunean dauden irakasleen bitartez–, goi mailako gastronomian, hotel-taldetan, aholkularitzan edo ekintzailetzan posizio aurreratuak lortzeko aukera ematen du programak, parte-hartzailearen profila sendotuz, sektorean aldaketa lideratzeko prestatuta dagoen profesional gisa.

Bideratua / Programa

NORI ZUZENDUTA DAGO?

Programa hau bikaintasunetik, ezagutza espezializatutik eta berrikuntzatik edari-munduaren eraldaketa lideratu nahi duten sektore gastronomikoko eta edarien sektoreko profesionalentzat diseinatuta dago.

Nagusiki, honako profil hauei zuzenduta dago:

• Sommelierra izanik edo ardoaren eta beste edari batzuen arloko profesionala izanik, eboluzionatzea edo espezializazioa areagotzea nahi dutenak.
  Jardunean dauden edo profesionalizatzeko prozesuan dauden sommelierrak, beren ezagutzak eguneratu, joera berrietan sakondu eta sukaldaritzaren, upategien edo denda espezializatuen arloetan proposamen berritzaileak lideratu nahi dituztenak.

• Edarien inguruko esperientzia gastronomikoen edo antzekoen arduradunak.
  Maitreak, jantoki-buruak, chefak eta Food & Beverage departamentuetako arduradunak, ardoa eta beste edari batzuk modu estrategikoan txertatu nahi dituztenak, esperientzia gastronomikoaren balio handiko proposamen gisa.
• Besteengandik bereiztu eta berrikuntzak egin nahi dituzten edarien sektoreko profesionalak.
  Mixologoak, baristak, marka-enbaxadoreak, aholkulariak eta edarien arloko beste espezialista batzuk, horeca kanalean proposamen berritzaileak diseinatzeko, komunikatzeko eta merkaturatzeko tresna aurreratuak eskuratu nahi dituztenak.
• Gastronomiaren eta edarien arloetako ekintzaileak eta kontzeptu berrien garatzaileak.
  Beren proiektuak dituzten edo garatzen ari diren pertsonak, sommeliergintzarekin, koktelgintzarekin edo banaketa espezializatuarekin lotutako negozioak sortu edo sendotu nahi dituztenak, ikuspegi garaikide, jasangarri eta esperientzial batekin.
• Gastronomian, ostalaritzan edo horiekin lotutako beste diziplina batzuetan tituludunak, edari-munduan garatu nahi dutenak.

Profil nagusiez gain, Masterra bereziki aberasgarria da sukaldaritzaren eta edarien sektoreko profesionalentzat, zuzenean sommeliergintzarekin zerikusia duten eginkizunik izan gabe ere, berrikuntza likidoan espezializatutako prestakuntza ondo etor dakiekeelako.

Zure profila Masterrarekin bat ez datorrela uste duzu?

Zure profila Masterrarekin bat datorren ez badakizu edo zalantzarik baduzu, jar zaitez gurekin harremanetan eta zure profila baloratuko dugu, informazio pertsonalizatua emateko.

IKASKETA-PLANA

60 ECTS kreditutan zehar, unibertso likidoari buruzko ezagutza zabala, sakona eta eguneratua jasotzen dute ikasleek; analisi sentsorialari, kudeaketari, edarien sorkuntzari, komunikazioari eta lidergoari buruzko gaitasun espezifikoak garatzen dituzte, eta sommeliergintzaren exekuzio teknikoan trebatzen dira, eskakizun handiko testuinguruetan. Ikaskuntza osatzeko, benetako praktikak eta tailer espezializatuak egingo dituzte, eta bisita profesionalak egingo dituzte ekoizpen-lurralde eta -zentroetara, berrikuntza, jasangarritasuna eta 360º-ko ikuspegia zeharkako ardatz gisa integratuz.

1. Modulua: Analisi sentsoriala eta dastatzearen perfekzionamendua

Modulu honetan, sakon jorratzen da kontsumitzailearen sentsorialitatea, haren edateko lehentasunak ezagutzeko, eta edariak interpretatzeko, deskribatzeko eta ebaluatzeko analisi sentsorialaren oinarri eta metodologietan barneratzen da. Dastatze mota ezberdinetan ere murgiltzen da, zentzumenen bidezko pertzepzio-gaitasuna areagotuz. Eta, azkenik, hiztegi espezifikoa deskubritzen du, eta esperientzia sentsorial guztia islatzeko hizkera propioa sortzera bultzatzen du ikaslea.

1. Analisi sentsorialerako eta kontsumitzailearen azterketarako metodologia
2. Portaera sentsorialaren oinarri zientifikoak
3. Dastatze-sistemak eta -teknikak
   1. Dastatze-metodologia
   2. Dastatze findua
4. Kalibrazio sentsoriala eta dastatzeko gaitasunak garatzea
   1. Kalibrazioko ariketa praktikoak
   2. Dastatzeko sistema propioa garatzea
5. Hiztegi sentsoriala eraikitzea

2. Modulua: Edari-mundu garaikidea

Modulu hau erabat dago eskainita unibertso likido garaikideari. Edarien ikuspegi berri batetik, edariok osatzen dituzten lehengaien eta horiek prestatzeko erabiltzen diren tekniken bitartez, banan-banan aipatuko dira osagaiak eta ezaugarri nagusiak. Historiaz, ekoizpenaz, prestaketaz eta tipologiaz hitz egingo da. Ikuspegi teorikotik eta praktikotik ezagutuko dira, dastatze eta bisita ugariren bitartez.

Modulu honetan, gaur egun gastronomiarekin lotzen den mundu likido osoaren ikuspegi integral, holistiko eta hedatua aurkezten da.

1. Lehengaia: frutak I, mahatsa
   1. Mahastizaintza
   2. Ardoa (hartzitua)
   3. Ardoaren destilatuak (cognaca, armagnaca, brandya, etab.)
   4. Mahatsaren destilatuak (grappa, uxuala, etab.)
2. Lehengaia: frutak II, sagarra eta beste batzuk
   1. Sagarra (sagardoa eta calvadosa)
   2. Madaria (perada eta eau-de-vie)
   3. Okarana (artisau erako edariak eta slivovitza)
   4. Gerezia (krieka eta kirscha)
   5. Hezurdun frutak eta fruta lehorrak (arbeletxekoa, pikua, irasagarra, etab.)
   6. Fruta tropikalak (anana, guaiaba, mangoa, marakuia, etab.)
   7. Beste fruta batzuk (kassisa, mugurdia, ahabia, etab.)
3. Lehengaia: zerealak
   1. Zerealaren laborantza eta tratamendua (garagarra, garia, zekalea, arroza, etab.)
   2. Zereal hartzituak (garagardoa eta sakea)
   3. Zereal destilatuak (vodka, ginebra, whiskia, etab.)
   4. Zereal mazeratuak eta NoLo edariak
4. Lehengaia: landareak
   1. Landareen laborantza eta tratamendua (agabea, kanabera, juka, etab.)
   2. Landare-edari hartzituak (pulkea eta kauima)
   3. Landare-edari destilatuak (rona, kaxasa, tekila, etab.)
   4. NoLo landare-edariak (kafea, tea, infusioak eta kombucha)
5. Beste mundu likido bat
   1. Gourmet zuku naturalak

3. Modulua: Sommelierraren rola: sorkuntza eta eboluzioa

Modulu honek sommelierrak duen rolaren ikuspegi integrala eta eguneratua eskaintzen du. Sommelierraren balio gastronomikoa aztertzen da, bere jatorri historikotik sukaldaritza-mundu garaikidean betetzen duen eginkizunera arte, baita sommelierrak jatetxearen ekosistemarekin duen hartu-emana, zerbitzuari egiten dion ekarpena eta esperientzia-sortzaile gisa duen ahala ere. Gainera, hainbat kontzeptu jorratuko dira, hala nola marka pertsonala, bikaintasun profesionala, lantaldeen lidergoa eta nazioarteko erreferentziak, egungo merkatuaren exijentziekin bat datorren nortasun profesional sendo eta bereizgarria eraiki dezaten sustatuz.

1. Sommelierraren rolaren jatorria eta eraldaketa
2. Nortasuna, gaitasunak eta balio gastronomikoa
3. Jatetxea ekosistema gastronomiko gisa
   1. Jatetxeak testuinguruan jartzea, definitzea eta sailkatzea
   2. Jatetxea organismo bizidun gisa ulertzea: sukaldea, jantokia, upategia, bezeroa
   3. Lantaldea: figurak, eginkizunak, itxura, etab.
   4. Zerbitzuaren antolaketa: fluxuak, mailak eta kolaborazio-protokoloak
   5. Mise en place aurreratua edari eta harmonietarako
   6. Zerbitzua eta haren faseak
4. Sommeliergintza globala: edari, formatu eta kontsumo-testuinguru berriak
5. Jasangarritasun likidoko joerak: 0 km, biodinamikoak, NoLo…
6. Autoezagutzako tailerra
7. Marka pertsonalari, posizionamendu gastronomikoari eta ikusgarritasun profesionalari buruzko tailerra (sareak, lehiaketak, komunitatea eta komunikabideak)
8. Lidergoari eta lantaldeen kudeaketari buruzko tailerra
9. Ibilbide likidoak: etengabeko trebakuntza, esperientziak, bidaiak eta networking-a

4. Modulua: Eskaintzaren eta upategiaren 360º-ko kudeaketa

Edarien departamentuaren ikuspegi estrategiko eta operatiboa garatzeko diseinatua. Funtsezko arloak lantzen dira, besteak beste, bezeroaren psikologia, kontsumo-portaera, joerak, errentagarritasuna, logistika, hornitzaileak, legeria eta marketin, komunikazio eta salmentako teknikak. Edarien karta irizpide komertzial, estetiko eta gastronomikoz hautatzeko, egituratzeko eta aurkezteko gaituko du ikaslea modulu honek. Baita upategi bat kudeatzeko ere, edarien errotazioa, kontserbazioa eta antzerako kontzeptuak barne. Gainera, moduluaren barruan sartzen dira tresna digitalak, analisi finantzarioa eta edarien aholkularitzako trebakuntza; era horretan, ingurune gastronomiko konplexuetan lidergo- eta zuzendaritza-rolak hartzeko trebatuko dira profesionalak.

1. Bezeroa ezagutzea: merkatua, psikologia eta kontsumoa
2. Upategiaren finantzak, eragiketak eta legeria
   1. Edarien departamentuaren finantzak eta errentagarritasuna
   2. Ardoen eta edarien inbentarioa, biltegiratzea eta errotazioa
   3. Hornitzaileak, erosketak eta negoziazio estrategikoa
   4. Edarien munduari aplikatu beharreko legeria eta araudia
3. Edarien munduan hautatzea, erakustea eta saltzea
   1. Karta erakargarri eta orekatua sortzea: hautatzeko, egituratzeko eta diseinatzeko irizpideak
   2. Marketin digitala, edarien sektoreari aplikatuta
   3. Salmentako eta zerbitzuan komunikatzeko teknikak
   4. Komunikazioa, dibulgazioa eta prestakuntza edarien munduan
   5. Sommelierrarentzako komunikazio eleanitza
4. Aholkularitza eta komunikazio estrategikoa

5. Modulua: Sommeliergintza aurreratuko eginkizun teknikoak

Modulu honek goi-mailako sommeliergintza berritzaile baterako funtsezko trebetasun teknikoak erakusten ditu. Mixologiako eta edarien formulazioko eta afinazioko teknikak ikasiko dituzte ikasleek, bai eta proposamen likidoak, harmonia gastronomikoak eta zerbitzu aurreratuak diseinatzeko teknikak ere. Higienearekin, segurtasunarekin, sormenarekin, profil ezberdinei eman beharreko zerbitzuarekin eta edarien aurkezpenaren koherentzia estetikoarekin lotutako alderdiak ere jorratuko dira. Tailer praktikoak egingo dira: edariak sortzea, uztartze-metodologiak eta bikaintasuna zerbitzuan, besteak beste. Horrela, era guztietako testuinguruetan jarduteko trebatuko da ikaslea, testuinguru exijenteak, sormenezkoak eta abangoardiakoak barne.

1. Koktelgintza eta edariak formulatzeko eta garatzeko teknikak
   1. Koktelgintzaren eta sommeliergintzaren historia eta bilakaera
   2. Mixologia klasikoaren eta garaikidearen oinarri teknikoak
   3. Koktelgintza modernoaren eta sortzailearen egungo teknikak
   4. Edariak orekatzea, fintzea eta prestatzea
2. Proposamen likidoen diseinua eta sorkuntza
   1. Edariak eta esperientziak sortzeko metodologia
   2. Kontsumo-une, bezero eta menu mota ezberdinetarako diseinuak
   3. Funtsezko aldagaiak: osagaiak, osasuna, fisika-kimika, kostuak eta zaporea
   4. Elikagaien higieneari eta segurtasunari buruzko araudia, edariei aplikatuta
   5. Prestaketa praktikoa: mocktail-ak, hartzituak, mazerazioak, infusioak
3. Harmonizatzea: uztarketaren teoria eta praktika
   1. Uztarketaren oinarriak
   2. Sailkapena eta tipologiak
   3. Joera gastronomikoak edarien eta uztarketen erabileran
   4. Metodologia praktikoa
4. Zerbitzatzea eta aurkeztea: klasizismotik berrikuntzara
   1. Sommelierraren tresnak: tipologia, mantenua eta erabilera espezializatua
   2. Zerbitzu aurreratuko teknikak
   3. Protokolo operatiboak, edari, zerbitzu edo bezero motaren arabera
   4. Joerak eta bikaintasuna, ardoen, apardunen, koktelen eta edarien zerbitzuan
   5. Estetika eta teknika, edariak jantokian aurkezterakoan

6. Modulua: Master Amaierako Proiektua

Master Amaierako Proiektuaren helburua da programan zehar ikasitakoa modu bateratuan aplikatzea, banakako proiektu bat garatuta. Proiektu hori edarien arloaren barruan proposamenak garatzean oinarrituko da.

Prozesu horretan, ikasleak tutore baten laguntasuna izango du, eta hark orientatu egingo du proiektuaren planifikazioan eta gauzatzean.

7. Modulua: Curriculum-praktikak enpresetan

Estatuko zein nazioarteko enpresetan egin ahal izango dira praktikak. Ikasleak koordinatzailearen aholkularitza izango du, aukerak ebaluatzeko eta bere espektatibetara egokitu daitezen. Garrantzitsua da kontuan izatea hiru hilabetez bete-betean eskaini beharko diela ikasleak bere denbora praktikei. Senior profila baldin baduzu, aurretiazko esperientziekin baliozkotu ahal izango dituzu praktikak.

WSET 3. Mailako modulua

Apirileko bi astez eskainiko da modu presentzialean Basque Culinary Center-en; nolanahi ere, aurrez dagoeneko emanda egongo dira eskola teoriko presentzialak eta ikasketa-orduak ere eginda egongo dira Masterraren beste modulu batzuetan. Beraz, dagoeneko beteta egongo dira Ziurtagiria eskuratzeko trebatzeko beharrezkoak diren 70 orduetatik gehienak.

Ardoei buruzko WSET 3. Maila ardoa modu sakonagoan ulertu nahi dutenentzat diseinatutako maila aurreratuko kualifikazioa da. Sektoreko profesionalei eta esperientziadun zaletuei zuzenduta dago ikastaroa, eta mundu mailan ezagunak diren ardo lasai, apardun eta eskuzabalen estiloan, kalitatean eta prezioan eragina duten faktoreen analisi sakona eskaintzen du.

Zure esperientzia maximizatzeko eta azterketa konfiantzaz prestatzeko, material esklusiboa jasoko duzu izena ematen duzun unean: ikasketa-liburu bat eta lan-koaderno bat, ikastaroan aztertuko dituzun 76 ardoei buruzko dastatze-oharrak idazteko. Gainera, edukiei ahalik eta etekinik handiena ateratzeko, aldez aurretik 70 eta 100 ordu artean ikastea gomendatzen da.

Gure ikaskuntza-plataformara sarbidea izango duzu; plataforma horrek baliabide osagarriak eskaintzen ditu, baita tutorearen etengabeko laguntza ere, zure zalantzak argitzeko eta zure aurrerapena bideratzeko. Zoom bidezko aukerazko bi saio ere sartzen dira, dastatzeko trebetasunak perfekzionatzeko eta azterketetarako prestatzeko diseinatuta daudenak.

Prestakuntza hau osatu ondoren, gai izango zara ardo nagusien ezaugarriak zehaztasunez deskribatzeko, ardo horiek modu profesionalean ebaluatzeko eta zure ezagupenak erabiltzeko, edozein testuingurutan arrazoitutako gomendioak eta hautaketak egin ditzazun.

*Jarduera batzuk ingelesez egin ahal izango dira. Horiek zailtasunik gabe jarraitzeko, B2 maila (tarteko maila aurreratua) izatea gomendatzen da; ez da beharrezkoa ziurtagiri ofizialik aurkeztea.

Egutegia

Ikastaldia: 2026ko irailaren 21etik 2027ko martxoaren 19ra.

Zure jarduera profesionalarekin bateragarria

• 5 hilabete online prestakuntza.
• Zuzeneko eskolak astean bi arratsaldez bakarrik: astearte eta ostegunetan, 17:30etik 19:30era.
• 2 hilabeteko aurrez aurreko prestakuntza intentsiboa.
• Praktikak egiaztatutako esperientzia profesionalaren arabera baliokidetzeko aukera.
• WSET® Ardoetako 3. mailako ziurtagiri ofiziala barne.

Oharra: Adierazitako ordutegiak behin-behinekoak dira, eta arrazoi akademikoengatik, antolaketa-arrazoiengatik edo programaren plangintzagatik egokitzapenak edo aldaketak izan ditzakete. Egutegiaren eta ordutegien behin betiko bertsioa ikasleei jakinaraziko zaie masterra hasi aurretik.

Metodología

Masterra formatu erdi-presentzialean (hibridoan) garatzen da, online eta aurrez aurreko prestakuntza uztartuz. Egitura honek malgutasuna eskaintzen die jardunean dauden profesionalei, eta aurrez aurreko aldietan esperientzia murgiltzailea bermatzen du.

ONLINE METODOLOGIA

Online zatiak ikaskuntza-esperientzia egituratua eskaintzen du, autonomia behar dutenentzat pentsatua, laguntzari eta kalitate akademikoari uko egin behar izan gabe.

• Edukiak eta ikus-entzunezko baliabideak: Zure jarduera profesionalerako esanguratsuak eta aplikagarriak izateko diseinatutako eduki garaikideak eskaintzen ditugu. Horrez gain, azalpen- eta erakustaldi-bideoen bidez, pausoz pauso gidatzen zaitugu gai bakoitzean. Baliabide horiek funtsezko kontzeptuak modu bisual eta praktikoan ulertzea errazten dute.

• Adituekin masterclass-ak: irakasleek eta sektoreko adituek bideo bidez emandako saio magistralak.

• Zuzeneko eskolak: Aste bakoitzean, irakasle adituekin zuzeneko eskolak izango dituzu edukiak sakontzeko, zalantzak argitzeko eta esperientziak partekatzeko. Eskolak grabatu eta gero ikusteko eskuragarri egongo diren arren, zuzeneko parte-hartzeak esperientzia aberasten du.

• Jarduera interaktiboak eta erronkak: Zure ezagutzak proban jarriko ditugu ariketen, testen, bideo bidezko praktiken, erronken eta foroetako parte-hartzearen bidez. Ikasitakoa finkatzeko modu dinamiko eta eraginkorra da.

• Laguntza pertsonalizatua: Zure ikaskuntza tutore batek gidatuko du; motibatu egingo zaitu, zalantzak argituko ditu eta feedback pertsonalizatua eskainiko dizu, zure helburuak lortzen laguntzeko.

• Asteroko plangintza: Asteroko zereginen plangintza argia emango dizugu, zure antolaketa errazteko. Aste bakoitzean funtsezko entregak izango dituzu, ikastaroaren jarraipen eta aprobetxamendu egokia bermatzeko; horrela, modu etengabe eta egituratuan aurrera egingo duzu.

​AURREZ AURREKO METODOLOGIA: 

Aurrez aurre ematen den zatia prestakuntza-esperientzia intentsibo gisa planteatzen da, sumillerraren lanbidea barrutik eta BCCren esperientzia sektoreko erreferenteez inguratuta eta benetako egoeretan bizitzeko diseinatua:

• Dastatze teknikoak, dastatze tematikoak, harmonizazio-tailerrak eta analisi sentsorialeko ariketak, ardoaren eta edarien pertzepzio profesionala garatzera bideratuak.

• Edari-esperientziak diseinatzeko workshopak, taldean proiektuak garatzen direnak, metodologia sortzaile eta berritzaileak, sentsorialtasuna, fintzea eta edariak sortzea aplikatuz.

• Sektoreko erreferenteekin masterclass-ak, ikastaroko arlo desberdinetan adituak diren profesionalez osatutako nazioarteko irakasle-taldearekin.

• Ekoizpen-eremuetara eta benetako espazio gastronomikoetara bisitak, hala nola: mahastiak, destilategiak, garagardotegiak, sagardotegiak eta erreferentziazko jatetxeak.

• Erronka praktikoak eta arazoak ebazteko dinamikak kudeaketa komertzialean, maridajeen diseinuan eta testuinguru enologikoetako erabaki-hartzean trebetasunak garatzera bideratuak.

• ​Ostalaritzako zerbitzu-tailerrak, bai Fakultateko ikaskuntza-espazioetan, bai inguruko jatetxeetan. 

MASTER AMAIERAKO LANA

• Banakako edo taldeko proiektua, mahastizaintzako eta ardogintzako sektoreko benetako erronka batean oinarrituta.
• Tutore espezializatuen aholkularitza prozesu osoan zehar.
• Amaierako aurkezpena sektoreko adituen batzorde baten aurrean.

KANPOKO PRAKTIKA CURRICULARRAK

Zure ezagutzak praktikan jartzeko eta zure ibilbide profesionalerako esperientzia garrantzitsua eskuratzeko aukera izango duzu. Prozesu osoan zehar, zure praktikak kudeatuko ditugu, zure profila eta eskuragarri dauden aukerak kontuan hartuta. Gainera, informazio-saio bat eta aholkularitza pertsonalizatua izango dituzu koordinatzailearekin, aukerak baloratzeko eta zure itxaropenetara egokitzeko. Garrantzitsua da zure egungo egoera eta helburu profesionalak kontuan hartzea; izan ere, praktikek hiru hilabeteko lanaldi osoko dedikazioa eskatzen dute, eta epea luzatzeko aukera dago. Senior profila baduzu, aurretiko esperientziak baliokidetu ahal izango dituzu.

LEARNING JOURNEYS

Ikaskuntza-bidaiak dira, eta tradizio handiko mahastizaintzako eta ardogintzako eskualdeetara bidaiatuko duzu, esperientziak bizitzeko, eragin handiko upategietara egindako bisiten bidez ikasteko eta inspiratzeko.

Honako hauek dira aurreko edizioetan egindako Learning Journeyetako batzuk, gure Alumni komunitateko kideek kontatuak.

BORDELE
Ignacio Mesples Aguirre - San Cobate upategiko merkataritza-arduraduna

"Bordelera egindako bidaia esperientzia eraldatzailea izan zen nire prestakuntzan. Domaine de Chevalier eta Château Sociando-Mallet bezalako upategi enblematikoak bisitatzetik ekoizleak aurrez aurre ezagutzera, une bakoitza ardoaren ekoizpen-sisteman sakontzeko aukera izan zen.

Irakasle-taldearen etengabeko laguntzari esker, teoria eta praktika lotu nituen, eta ardoaren kulturaren ulermen zabalagoa garatu nuen. Bisiten barruan jatorrian egindako dastatzeak ere izan ziren, eta erabat aldatu zuten nire ikuspegi sentsoriala."

JEREZ
Lucía Marcilla Moreno - Arzak jatetxeko sumillerra

"González Byass eta Barbadillo bezalako upategi ikonikoetara egindako bisitak izugarriak izan ziren, ez bakarrik dastatzeengatik, baita enologoen istorio eta pasioagatik ere.

Sanlúcarren, inguruneak ardoetan duen eragina ulertu nuen. Itsas brisak eta albariza-lurrek prozesuarekin konektatu ninduten. Taberna der Guerritan egindako dastatzea amaiera ezin hobea izan zen: tradizioa eta ardoa harmonian."

NAFARROA
Erik Zulkovsky - Sport Connection-en sortzailea eta CEOa

"Han egoteak, guraizeak eskuan eta mahatsondoa lantzen, sakonki konektatu ninduen prozesuarekin eta horrek ardoan duen eraginarekin.

Unsi upategietan, Gonzalo Celayeta enologoarekin izandako elkarrizketak erakutsi zidan nola elkarrekin bizi diren berrikuntza eta tradizioa. Kopa bakoitzak interpretatzen ikasi genuen istorio bat zuen."

ERRIOXA
Melissa Santos Elizondo - Vinos de Milo enpresako zuzendaria

"Haron, López Heredia upategira egindako bisitak erakutsi zidan nola tradizioak ardo baten izaera defini dezakeen.

Gero, Baigorrin, berrikuntza eta diseinua ardo modernoaren aliatu direla aurkitu nuen. Esperientzia osoa izan zen, nire ikuspegi profesionala eraldatu zuena."

Irakasleak

IRAKASLE-TALDEA

Masterrak programaren arlo bakoitzean adituak diren irakasleez osatutako irakasle-taldea du: dastaketan eta analisi sentsorialean adituak, enologoak, sommelierrak, mixologoak, edarien garatzaileak, pommelierrak, programako edari desberdinetan adituak, WSET hezitzaileak, Master of Wine tituludunak, edarien komunikatzaileak, etab. Gainera, nazioarteko erreferenteek ponentzien eta masterclass-en bidez sommeliergintzari eta edari-munduko berrikuntzari buruzko ikuspegia partekatuko dute.

KOORDINAZIO-TALDEA

KORO SANTOS
Koordinatzaile akademikoa

Psikologian lizentziaduna, jatetxe-zerbitzuaren eta sommeliergintzaren munduarekin lotuta dagoena, eta irakaskuntzan 15 urte baino gehiagoko esperientzia duena. Jerezeko ardoetan eta Cavetan prestatzaile homologatua. WSET 3. maila. Basque Culinary Centerreko Jantoki eta Zerbitzuetako irakaslea.

Esther Merino
Masterreko aholkularia

Basque Culinary Centerreko Gastronomia eta Sukaldaritzako Arteetako graduduna, Sukaldaritzako Abangoardia espezialitatean. Ikea Food Valladoliden eta Gastroleku ostalaritza-taldean lan egin du, eta Manilan eta Palawan uhartean (Filipinak) dauden bi jatetxetako Jantoki, Barra eta Koktelgintza departamentuak diseinatu ditu. BOWS aholkularitza gastronomikoko enpresa ere sortu zuen, eta BCCko Bartender eta Koktelgintza Modernoko Aditu ikastaroan irakasle laguntzailea izan zen. Kopenhagen, Noma eta POPL jatetxeetako jantoki-taldean lan egin du. Gaur egun, Alchemist jatetxean lan egiten du; bi Michelin izar ditu, eta ‘The World’s 50 Best Restaurants’ zerrendako munduko Top 100ean 58. postuan dago.

Nicolas Boise

Masterreko aholkularia

Europako tenplu gastronomiko handietan trebatua, Nicolas Boise Borgoinakoa den sumillerra da, eta Euskadi bihurtu du bere bizileku eta agertoki profesional. 17 Michelin izar biltzen dituen ibilbidearekin, hainbat jatetxe enblematikotan lan egin du, hala nola The Fat Duck jatetxean, Ingalaterran, eta Mugaritzen, Espainian; azken horretan, sommelier-buru izendatu zuten 25 urte baino ez zituela. Gaur egun, Elkano jatetxeko upategia zuzentzen du; jatetxe hori mundu mailako erreferentea da itsas sukaldaritzan, jatortasunean, aniztasunean eta bezeroarenganako errespetuan oinarritutako filosofiari esker. 

Onneca Guelbenzu
WSET nominated educator

Nazioarteko prestakuntza sendoa du Onnecak, eta WSETko Ardoetako 4. mailako diplomaduna, WSETko Sakeko 3. mailako diplomaduna eta SSIren (Kikisake-shi) Sake Sommelier ziurtagiriaren jabea da. “Basque Sumiller” titulua eta Ardoaren Enologia, Mahastizaintza eta Marketineko masterra ere baditu. Gaur egun, Master of Wine programa prestigiotsua egiten ari da. Bi Michelin izarreko jatetxe batean sumiller lan egin du, baita ardoan espezializatutako hezitzaile eta idazle gisa ere.

IRAKASLEAK ETA KOLABORATZAILEAK

Honako hauek dira aurreko edizioetako irakasle eta kolaboratzaileetako batzuk:

• Patxi Troitiño – Koktelgintzan eta edari mistoetan espezialista.
• David Mora – Aholkularia enoturismoan eta esperientzia enogastronomikoen diseinuan.
• Pilar García Granero – Enologoa, eta mahastizaintzan eta ardogintza-prozesuetan aditua.
• François Chartier – Harmonia molekularren teoriaren sortzailea; hainbat chefekin kolaboratu du, Ferran Adriàrekin, esaterako.
• Miguel Ángel Millán – DiverXO*** jatetxeko sommelier-burua eta The World's 50 Best Restaurants zerrendak 2023an Munduko Sommelier Onena izendatua.
• Paz Levinson – Groupe Pic taldeko Ardoen zuzendaria (Europako eta Asiako Michelin izardun jatetxeak), nazioarteko epaimahaikidea eta idazlea.
• Luis Baselga – Smoked Room jatetxeko (Grupo Dani García) sumillerra eta maitre-a, Gastronomiako Madrilgo Akademiak 2024ko Sommelier Onena izendatua.
• Fernando Moret – Ambivium jatetxeko jantoki-zuzendaria eta Espainiako Top 5 Young Sommelierretako bat.
• Adela Balderas doktorea – Lidergoan, marka pertsonalean eta ardoaren sektoreari aplikatutako coaching exekutiboan espezialista.
• Julián Palacios – Nekazaritza-ingeniaria eta erreferentea mahastizaintza jasangarrian eta inausketa tradizionalean.
• Pepe Rodríguez de la Vera – Mahastizaina eta Master of Wine programako ikaslea, artisau- eta komunikazio-ikuspegiarekin.
• Jaume Gramona – Ontze luzeko apardunen ekoizlea, nazioarteko erreferentea jasangarritasunean eta dotoretasun teknikoan.
• Ainhoa Oyanguren – Q Graderra eta espezialitateko kafearen aditua, Trike Koffee Roasters enpresaren jabekidea.
• Natalia Santamaría - Edarien analisi sentsorialean aditua eta mahastizaintza eta ardogintzako ikerketa-zentro bateko ikertzailea.
• Dani Corman - Mahastizaintzan, enologian eta ardoaren marketinean espezialista, eta ardo-denda espezializatu baten jabea.
• Xabi Iturralde - Ostalaritza eta turismo arloetako kudeaketa eta operazioetan aditua, eta Basque Culinary Centerreko Kudeaketa eta Negozio arloko irakaslea.

Mahastizaintzako eta ardogintzako sektoreko upategi eta/edo elkarteek emandako saioak, hala nola Grandes Pagos de España, Vega Sicilia, Bodegas Muga, Galicia Calidade eta Marqués de Murrieta. 

Matrik. / Laguntzak

Masterraren guztizko prezioa: 11.970 € -  1000 € -ko deskontua irailak 18a baino lehen izena ematen baduzu MSUM2026 kodearekin

Ordainketa-modua:

• 150 € hautagaitza aurkeztean (kopuru hori osorik itzuliko zaio hautagaiari, ikastarorako onartua ez bada).
• Guztizko zenbatekoaren % 25, hau da, 2.955 €, hautagaiari onartua izan dela baieztatzen zaionean, plaza erreserbatzeko kontzeptu gisa.
• Zenbatekoaren gainerakoa, 2.955 €-ko hiru kuotatan ordainduko da: 2026ko urrian eta abenduan, eta 2027ko otsailean.

FINANTZAKETA-AUKERAK - INFORMA ZAITEZ

Zure etorkizun profesionalaren alde inbertitu nahiko zenuke, baina horretarako laguntza behar duzu? Finantzaketa-aukerak ditugu gure prestakuntza-programetara sarbidea errazteko. Informazio gehiago nahi baduzu, bete hurrengo formularioa.

FUNDAE HOBARIA

Espainian besteren kontura lan egiten duten pertsonek master honen zati bat FUNDAEren bidez hobaria jaso dezakete. Jarri gurekin harremanetan baldintzak kontsultatzeko.

Masterraren prezioak honako hauek barne hartzen ditu:

• WSET Ardoetako 3. mailako ziurtagiria: ziurtagiria lortzeko materialak, eskolak eta azterketa egiteko eskubidea (ziurtagiriaren kostua: 1.500 €)

• Material akademikoa

• Learning Journeys: ikaskuntza-bidaietako garraio- eta ostatu-gastuak

• Gonbidatutako adituekin eta kolaboratzaile diren upategiekin egindako mintegiak eta masterclass-ak.
• Praktika curricularren kudeaketa
• Titulua/diploma jaulkitzea eta bidaltzea
• 160 ardo eta bestelako edariren dastatzeak
• Fakultateko Liburutegiaren 5.000 erreferentzia baino gehiagorako sarbidea
• Graduazio-ekitaldia
• Basque Culinary Centerreko egresatuentzako zerbitzuan alta ematea: BCC Alumni 

BCC ALUMNI ZARA? EZAGUTU ZURE ABANTAILAK

NAZIOARTEKO IKASLEA ZARA? (zabaldu eta behar duzun bisari buruzko informazioa eskuratu)

Onarpena / Baldintzak

Sumilleritzako eta Likidoen Munduko Berrikuntzako Masterrak onarpen-prozesu bat du, hautagaiek ikasketa-plan zorrotza arrakastaz gainditzeko beharrezkoak diren maila akademikoa eta gaitasunak dituztela bermatzeko.

Master hau bai unibertsitate-ikasketak dituzten profesionalei, bai unibertsitate-titulurik izan gabe sektorean esperientzia garrantzitsua egiaztatu dezaketenei dago zuzenduta.

Basque Culinary Centerren onarpen-sistemak bi helburu ditu:

1. Hautagaiek ikasketa-plan berritzaile eta praktiko bati arrakastaz aurre egiteko beharrezkoak diren maila akademikoa eta gaitasun pertsonalak dituztela bermatzea.
2. Masterrak hautagaien prestakuntza-beharrei eta interesei erantzuten diela egiaztatzea.

ZURE ONARPEN-PROZESUA, PAUSOZ PAUSO

1. EMAN IZENA

Egin online izen-ematea hemen klik eginda

2. PARTEKATU ZURE PROFILA

Zure hautagaitzari buruz gehiago jakin nahi dugu: egindako ikasketak, ibilbide profesionala, zerk motibatzen zaituen eta zure prestakuntza-interesak. Horretarako:

• Formulario bat beteko duzu eta beharrezko dokumentazioa bidaliko duzu.
• Ariketa praktiko bat egingo duzu, zure ezagutza-oinarria hobeto ezagutzeko.
• Masterreko koordinazioarekin banakako elkarrizketa bat izango duzu.

3. ZURE HAUTAGAITZAREN BALORAZIOA

Elkarrizketaren ondoren, zure hautagaitza aztertuko dugu eta emaitza jakinaraziko dizugu.

4. ERRESERBATU ZURE PLAZA
Zure hautagaitza onartzen bada, plaza formalizatu ahal izango duzu masterraren prezioaren % 25 ordainduz, ezarritako epearen barruan.

MASTERRAREN TITULAZIOA
Prestakuntza-programa hau Formazio Iraunkorreko Masterra da. Titulazio hori lortzeko beharrezkoa da graduko unibertsitate-ikasketak (lizentziatura, ingeniaritza, diplomatura edo baliokideak) izatea.

• Unibertsitate-ikasketarik ez baduzu, zure esperientzia eta ibilbide profesionala ebaluatzen dituen kompetentziak aitortzeko prozesua eskatu ahal izango duzu. Prozesu hori onarpen-prozesuan zehar egin beharko da, hautagaitzaren ebazpena eman aurretik.
• Prozesu hori eta prestakuntza-programa gainditzen badituzu, Formazio Iraunkorreko Masterra lortuko duzu.
• Kompetentziak aitortzeko prozesua gainditzen ez baduzu, Sumilleritzako eta Likidoen Munduko Berrikuntzako Unibertsitate Hedapeneko Diploma lortuko duzu.

Kontsultak eta informazio gehiago lortzeko: cursos@bculinary.com

Alojamientos

LIVENSA LIVING DONOSTIA, OSTATU-KONTZEPTU BERRITZAILEA

Livensa Living San Sebastián Ibaeta auzoan dago, gune lasai batean eta Ondarretako hondartzan itsasoratzen den Tolosa hiribidetik pasabide batera. Xehetasun guztiak zaintzen dituen ostatu bat da, Donostiako egonaldian etxean bezala senti zaitezen pentsatuta dagoena. Erlaxatzeko eta lagunartean denbora partekatzeko espazioak ditu.

Nabarmendu beharreko ezaugarriak:

• Banakako logelak sukalde osoarekin eta komun pribatuarekin
• Ikuztegia
• Gimnasioa
• Sukalde komunak edo txokoak
• Aisialdirako guneak: egongela, joko-aretoa, zinema-aretoa
• Musika entseatzeko gelak
• Coworking guneak
• Aparkaleku pribatua

Baliatu Basque Culinary Centerreko ikasleentzako lehentasunezko tarifak.

Ostatuari buruzko informazio gehiago hemen

Erlojiosoen Ikasle-Egoitzak

Ikasle-egoitza hauek txikiak dira eta sarrera ordutegi mugatua dute. Gelak banakakoak edo binakakoak izan daitezke eta denek dute bainugela. Litekeena da mantenu osoa eskaintzen dutenek, asteburuetan otordu guztiak ez eskaintzea. Egoitza hauetan onartua izateko elkarrizketa pertsonal bat egin behar da familiarekin.

Arraian agertzen ditugun prezioak gutxi gorabeherakoak dira.

EMAKUMEZKOENTZAKO Egoitzak:

RESIDENCIA COMPAÑÍA DE MARÍA

Camino de S. Bartolomé, 24
Tel 943 464795
Regimen mantenu osoa
Precio aproximado hilean 625€

ESCLAVAS DEL SAGRADO CORAZÓN

Avda. Gral. Zumalakarregi, 11
Tel 943 210800
Regimen mantenu osoa
Precio aproximado hilean 580€-615€
Ikasleek egoitza utzi egin behar dute asteburuetan, azterketa garaian izan ezik.

MISIONERAS DEL SAGRADO CORAZÓN

http://www.misioneras-sc.com/es/residencia-universitaria/

Paseo de la Fe, 34
Tel 943 456072
Regimen mantenu osoa
Precio aproximado 350€-490€

RESIDENCIA VILLA ALAIDI E.A.M.

http://www.villa-alaidi.com/

Paseo de Heriz, 95
Tel 943 210866
Regimen mantenu erdia edo mantenu osoa
Precio aproximado hilean 450€-tik 590€-ra
No se ofrecen comidas durante el fin de semana aunque hay una cocina a disposición de las residentes.

RESIDENCIA EL CARMELO PASIÓN

http://www.karmeloikastetxea.com/es/residencia-universitaria/quienes-somos

Ilumbe, 8
Tel 943 456600
Regimen mantenu osoa
Precio aproximado hilean 540€-605€

COLEGIO MAYOR JAIZKIBEL

http://cmjaizkibel.com/

C/ Aldapeta, 49
Tel 616 369 815
Regimen Pensión completa
Precio aproximado 932€/mes
No hay cocinas disponibles para las residentes pero las estudiantes de BCC podrán realizar prácticas de cocina.

RESIDENCIA CET ORIA

http://proyectocet.com/

Paseo de Ayete, 25
Tel 943 242400
Regimen pensión completa
Precio aproximado 370€
El precio del alojamiento y pensión se costea trabajando en el servicio de alimentación. Admisión mediante entrevista.

GIZONEZKOENTZAKO EGOITZAK:

COLEGIO MAYOR AYETE

http://www.ayete.es/

Pº Ayete, 25
Tel 943 21000
Regimen Pensión Completa
Precio aproximado 1.055€/mes

RESIDENCIA LA SALLE

http://www.residenciauniversitarialasalle.com/

Pº Maddalen Jauregiberri,2
Tel 943 454400
Regimen habitación y desayuno
Precio aproximado 320€-380€/mes

---

EGOITZA LAIKOAK

Estas residencias son mixtas y son de mayor tamaño que las residencias religiosas. Generalmente no tienen horarios de entrada.

EGOITZA MISTOAK:

NUMAD STUDIOS

https://numadstudios.com/

Paseo de Miramón, 162
Tel (+34) 943 56 91 28
Regimen alojamiento en estudio con cocina equipada y baño privado
Precio aproximado desde 600€ hasta 880€/mes
A tan solo un paso de Basque Culinary Center. Instalaciones equipadas con un amplio espacio de cocina dedicado a prácticas culinarias, salas de estudio, gimnasio y zona lounge para socializar con otros residentes.

COLEGIO MAYOR OLARAIN

http://www.colegiomayorolarain.com/

Pº Ondarreta, 24
Tel 943 003300
Regimen alojamiento y desayuno, media pensión o pensión completa
Precio aproximado desde 498€ hasta 1.090€/mes
El precio incluye la limpieza del uniforme de cocina. No hay cocinas disponibles para los residentes aunque los estudiantes de BCC podrán hacer prácticas de cocina en un espacio debidamente equipado para ello.

RESIDENCIA MANUEL AGUD QUEROL

http://www.resa.es/es/residencias/san-sebastian/residencia-universitaria-manuel-agud-querol/residencia/

Pº Berio, 9
Tel 943 563000
Regimen alojamiento
Precio aproximado desde 403€ hasta 690€/mes
Residencia de la Universidad de País Vasco; alojan prioritariamente a los estudiantes de la UPV pero pueden tener plazas disponibles desde la reciente ampliación.

---

BIZILEKUA PARTEKATUTAKO ETXEETAN

Interesdunek aldez aurretik baimena emanda, BCCko ikasleen bulegoak elkarrekin harremanetan jartzen ditu ikasleak etxea alokatzeko antolatu daitezen. APP BCC Students app-aren bidez, gainera, jabeek jakinarazita alokagai dauden etxe/gelen berri ematen diegu onartutako ikasleei. Donostian, batez beste 350 € ingurukoa da ikasle batek hilean partekatutako etxe batean ordaindu behar izaten duen prezioa

Bidaiaren aurreko tramiteak

Europar Batasuneko, Norvegiako, Suitzako, Liechtensteingo eta Islandiako ikasleei ez zaie bisarik eskatuko Espainian bizitzeko.

Gainontzeko ikasleek epe luzerako ikasketa-bisa eskatu beharko dute, 180 egunetik gora Espainian bizitzeko baimena emango diena. 

Espainiak atzerrian dituen ordezkaritza diplomatikoetan eta kontsulatuetan eskatu beharko dute bisa. Garrantzitsua da beharrezko dokumentazioaren berri izatea, lehenbailehen prestatzen joateko, izan ere, bi hilabete arteko epea dute agintariek bisa-ematea jakinarazteko. 

Donostiara iritsi ondoren, ikasleek hilabeteko epea izango dute atzerriko ikasleen txartela izapidetzeko Donostiako Atzerritarren Bulegoan. BCCko ikasleen bulegoak emango die ikasleei izapide horren berri.

Kirol-zerbitzuak

Bizi Kostuaren Info

Ondoren, Donostiako BIZI KOSTUARI buruzko informazioa emango dugu.

Entretenimendua

Garraioa

Hiri-barruko autobusen sarea erabiltzea da hirian batetik bestera joateko modurik onena. Donostiako Tranbia Konpainiak eskaintzen du zerbitzu hori.

www.dbus.es web-orrian ibilbideei, ordutegiei eta tarifei buruzko informazio guztia eskaintzen du. Gainera, bi tokiren arteko autobus-ibilbidea ikusi eta iraupena kalkulatzeko aukera ere ematen du.

Eguneroko erosketak

Ostatua

Egoitzak eta ikastetxe nagusiak ere badira Donostiako ostatu-eskaintzan. Mota horretako ostatua nahi izanez gero, erreserba lehenbailehen egitea komeni da.

Hirian diren egoitza batzuei buruzko informazioa biltzen duen dokumentua duzu ondorengoa.

Behera kargatu: Ostatua Donostian

Ikasleek hileko garraio-bonoak erabil ditzakete, autobusaren kostua merkatzeko.
 

Donostia - San Sebastián

Donostia Gipuzkoako administrazio hiriburua da, Euskadi osatzen duten lurraldeetako bat, non bi hizkuntza ofizial bizikide diren: gaztelania eta euskara.

Kantauri itsasoaren ertzen, Donostia aparteko edertasuna duen inguru natural bateko hiri txiki bat da. Erregeen eta jaunen opor-leku, Belle Epoque garaian, tradizioa eta modernotasuna bizikide diren jaun-hiri bihurtu zen Donostia.

Donostia Turismok utzitako irudiak

Bere edertasun ikusgarriaren parekorik badago, bertako gastronomia da hori: “euskal sukaldaritza berriaren” sorleku, sukaldaritzako abangoardiaren muin eta pintxoen munduko hiriburu, Donostia biztanleko Michelin izar gehien dituen hiria da munduan. Bere jatetxeen garrantziak, elkarte gastronomikoek eta bertako lehengaien kalitateak, mundu mailako gastronomia erreferente bihurtzen dute Donostia. Which aldizkari britainiarrak, ez zuen halabeharrez hautatu Donostia munduko helburu gastronomikorik onena gisa.

Azken urteetan, berrikuntza eta iraunkortasuna Donostiaren garapenaren ardatz nagusi izan dira, eta ekimen horrek aparteko leku bihurtu du bai oinezkoentzat bai bizikletaz dabiltzanentzat.

Donostia Turismok utzitako irudiak

ZERGATIK IKASI GASTRONOMIA DONOSTIAN?

• Donostian, Euskadiko gainerako lekuetan bezala, gastronomia gizartearen parte delako eta edozein gertaera eta ospakizunetan mahaiko gauza goxoekin gozatzen delako. Donostiak, 185.000 biztanleko hiriak, 120 gastronomia elkarte ditu.
• Espainian hiru Michelin izar dauzkaten zortzi jatetxeetatik lau Euskadin daudelako, eta horietatik hiru Donostian daudelako.
• Bere eskaintza kulturalagatik, mundu mailako aitorpena duten zinema eta jazz jaialdiengatik. Donostia 2016ko Europako Kultur Hiriburu izendatu dute.
• Bertako hondartzengatik, aukera-aukerakoak dira urte osoan surfa egiteko.
• Mendiagatik, 2,5 ordutara daude Pirinioak.
• Hiri segurua, eskuragarria eta erosoa delako.

Donostia Turismok utzitako irudiak

NOLA IRITSI DONOSTIARA

Donostia Espainiako hiri nagusienekin lotuta dago autobus, tren eta hegazkin bidez.

Donostiako aireportua hiritik 20 km-ra dago. Aireportu txikia da, Madrilerako eta Bartzelonarako hegaldi zuzenak dituena. Autobus zerbitzua eskaintzen du hiriaren erdiguneraino.

Bilboko nazioarteko aireportua, Donostiatik ordubetera dago, eta hiriarekin lotuta dago, aireportutik abiatzen den maiztasun handiko autobus zerbitzu baten bidez.

Biarritzeko nazioarteko aireportua, Donostiatik 45 minutura dago, baina bertara zuzenean iristeko autobus bakarra eskaintzen du eta egunean behin.

Donostia Turismok utzitako irudiak

BCC Students