Interesa edukiko zenuke berrikuntza-proiektuen kudeaketan? Nazioarteko harremanak dituen Zentro Teknologiko baten kidea izatea gustatuko litzaizuke? Jarraitu irakurtzen zer eskaintzen dizugun jakiteko! 

Basque Culinary Center-eko Zentro Teknologikoan, GOe Tech Center-en, lan egingo duzu. Bertan, gastronomia eta elikaduraren sektoreko enpresa eta erakundeekin batera berrikuntza-proiektuetan parte hartuz ikasi eta garatzeko aukera izango duzu. 

Zure eginkizun nagusia Lurralde Garapeneko Arloko proiektuen exekuzioan eta garapenean laguntzea izango da, taldearekin batera lan eginez eta proiektuen garapenaren ikuspegi orokorra edukiz. 

Zure egunerokotasunean... 

• Proiektuen koordinazioan eta exekuzioan laguntzea, taldearekin elkarlanean arituz eta eragile desberdinekin harremanetan egonez. 
• Informazioaren analisia, egoeren diagnostikoa eta proposamenen lanketan laguntzea.  
• Entregagarrien garapenean modu kolaboratiboan parte hartuko duzu. 
• Zentro Teknologikoko negozio garapenerako ekimenetan lagunduko duzu. 
• Zentro Teknologikoaren berrikuntza-arloan balioa ematen duten ekimenetan kolaboratuko duzu.  

Ezaugarri hauekin identifikatuta sentitzen zara? 

• Enpresa Administrazio eta Zuzendaritzako, Turismo, Gastronomia eta Sukaldaritza Arteetako edo antzeko gradua duzu.
• Hasierako lan esperientzia (praktikak edo 1-2 urte) proiektuen kudeaketan, aholkularitzan edo berrikuntzarekin lotutako inguruneetan.  
• Berrikuntzarekiko, estrategiaren eta gastronomia/elikadura sektorearekiko interesa.  
• Euskara eta ingeles maila ona (C1 edo garapenean baloratua).  
• Noizean behin bidaiatzeko prestasuna.  

Gure arreta piztuko duzu... 

• I+G+b arloan eta gastronomia sektorean interesa izatea.  
• Taldean eta ingurune dinamikoetan lan egiteko gaitasuna.  
• Ekimena, antolakuntza gaitasuna eta ikasteko gogoa.  
• Negozio garapenarekiko interesa eta aukerak identifikatzeko gaitasuna.  

Zer eskeintzen dugu Basque Culinary Centerretik? 

• Etengabeko ikaskuntza-ingurune batean lan egitea. 
• Lanaldi osoko kontratu mugagabea.  
• Ekosistema berritzaile, diziplina anitzeko eta kultur anitzeko baten parte izatea.  
• Konfiantzan, lankidetzan eta hazkundean oinarritutako lan-ingurunea.  
• Lan giro ona, pertsonak zaintzen ditugun tokia.  
• Ingurune inklusiboa sustatzen dugu. Desgaitasun-ziurtagiria baduzu, adierazi lasai, behar duzun laguntza duzula bermatzeko.

Gure taldean lan egitea gustatuko litzaizuke? Bidali zure hautagaintza! Zure zain gaude!