Baduzu esperientziarik proiektu gastronomikoen kudeaketan? Babesletzen arloan lan egin duzu? Sukaldaritza-proposamenak sortzea gustatzen zaizu? Orduan, proiektu hau zuretzat da! 

Basque Culinary Center-en pertsona dinamiko baten bila gabiltza, ikuspegi estrategikoa eta oinarri gastronomikoa duena. Kontuen kudeaketaz gain, enpresa horiekin lotutako proiektu gastronomikoetan lan egingo duzu, zure ezagutza eta sormena eskainiz. 

Zure eginkizun nagusia gaur egungo enpresa kolaboratzaileekin harremanak sendotuko dituzten proiektu eta akordioen garapena, jarraipena eta exekuzioa bermatzea izango da, balio handiko proposamen gastronomikoak integratuz. 

Zure egunerokotasunean... 

• Enpresentzat proposamen berritzaileak garatuko dituzu, balioa emango duten irtenbide erakargarriak sortuz.  
• Proiektuak diseinatu eta gauzatuko dituzu urteko ekintza-planak definituz, enpresekin elkarlanean helburuak lortzeko.  
• Enpresen eta barne-taldeen arteko komunikazioa kudeatuko duzu. 
• Fidelizazio-planak ezarriko dituzu harremanak sendotzeko eta bezeroen gogobetetasuna ziurtatzeko.  
• Emaitzak kontrolatu eta ebaluatuko dituzu, txostenak eginez eta aurrekontuen jarraipena eginez.  
• Akordioen berritzeak negoziatu eta formalizatuko dituzu.  

Gainera, Proiektu Gastronomikoen Kudeatzaile gisa: 

• Bezeroaren produktuak erabiliz errezetak eta proposamenak sortuko dituzu.
• Proposamen horiek argazki-errezeta edo bideo-errezeta bihurtuko dituzu.  
• Marka bakoitzaren identitatearekin lerrokatutako kontzeptu gastronomikoak diseinatuko dituzu.  

Ezaugarri hauekin identifikatuta sentitzen zara? 

• Gastronomia eta Sukaldaritza Arteetako Gradua edo antzekoa duzu.  
• Gutxienez 3 urteko esperientzia proiektu eta bezeroen kudeaketan.  
• Komunikazio eta harreman trebetasunak.  
• Euskara, gaztelania eta ingelesez komunikatzeko gaitasuna.  
• Antolaketa eta autokudeatzeko gaitasuna.  
• Bidaiatzeko prestutasuna eta ibilgailu propioa.  

Gure arreta piztuko duzu... 

• Canva eta Mailchimp bezalako tresnekin esperientzia.  
• Babesleekin ekitaldiak antolatzeko esperientzia.  
• Malgutasuna eta proaktibitatea.  

Zer espero dezakezu Basque Culinary Centerretik? 

• Etengabe hazten ari den proiektu berritzaile batean parte hartzea.  
• Kontratu mugagabea eta lanaldi osoa.  
• Konfiantzan oinarritutako lan-ingurunea.  
• Telelana egiteko aukera.  

Behar dugun pertsona zu zarela uste baduzu, ez izan zalantzarik eta eman izena lan eskaintzan!