Gastronomiaren munduan nazioartean aitzindaria den erakundearen kidea izan nahi duzu? Ba al duzu lan esperientziarik elikagai industriaren barruan I+G arloan? Jarraitu irakurtzen, zer eskain diezazukegun jakiteko! 

Zure eginkizun nagusia elikagaien industriaren espezializazio arloarekin lotutako irakasgaiak diseinatzea, garatzea eta ematea izango da, bai alderdi teorikoan, bai praktikoan. 

Gure lan-ildo nagusiak honako hauek dira: 

• Irakasgaiaren baterako diseinua egitea, espezialitateko gainerako irakasleekin koordinatuta. 
• Klaseen garapena antolatzea eta planifikatzea. 
• Elikagaien garapenarekin eta teknologiarekin lotutako eskolak ematea. 
• Ikasleen jarraipena egitea, haien zalantzak argituz eta ikaskuntza prozesuan lagunduz. 

Identifikatuta sentitzen zara  ezaugarri hauekin? 

• Elikagaien Industriako, Biologiako, Kimikako edo antzeko gradu bat duzu. 
• Masterreko titulu bat duzu, batez ere lanpostuarekin lotutako gaiekin erlazionatuta dagoena. 
• Gutxienez 3 urtez aritu zara ikerketa- edo berrikuntza-aholkularitza-proiektuetan. 
• Produktuaren diseinuan eta garapenean ezagutza duzu (I+G proiektuetarako sarrera, elikagaien merkatuko aukeren identifikazioa, esperimentuen diseinua, elikagaien formulazioa, prototipoak baliozkotzeko teknikak, eskalatze industriala...) 
• Irakaskuntzan esperientzia duzu (arautua edo ez-arautua). 
• Elkarrizketarako eta idazteko gaitasun handia (C1) ingelesez. 

Gure arreta piztuko duzu... 

• Doktoretza baduzu, batez ere lanpostuarekin lotutako gaietan. 
• Euskara maila altua (C1) duzu. 
• Eragiketen kudeaketa ezagutzen duzu (produkzioaren kudeaketa, produkzio planak eta programak, ekoizpen-prozesuko kostuen ebaluazioa) eta elikagaien industriako kalitatearen kudeaketa. 
• Gustuko duzu taldean lan egiten.   

Zer espero dezakezu Basque Culinary Centerretik? 

• Konfiantzan oinarritutako giroan lan egitea. Independentzia eta malgutasun handia eskaintzen ditugu, helburuak lortzeari garrantzia emanez. 
• Kontratu tenporala eta lanaldi erdira lana egiteko aukera, etengabe hazten ari den proiektu batean. 
• Diziplina eta kultura anitzeko ingurune batean lan egitea, gastronomiaren munduaren ikuspegi globala izateko. 
• Lan-giro ona. Gure taldeko pertsonez arduratzen gara. 

Behar dugun pertsona zu zarela uste baduzu, ez izan zalantzarik eta eman izena lan eskaintzean!