Eduki nagusira joa

Nabigazio-menura joan


Nabigazio-menura joan

Aurkezpena

2018KO EKAINETIK AURRERA IZEN EMATEA IREKITA EGONGO DA

Hasiera: 2019ko urtarrilean

Espainia munduko ardo-ekoizle handienetako bat da, eta gastronomiak berezko lotura du produktu horrekin 

Ardoaren munduan espezializatutako profesionalak trebatzea da masterraren xedea, produktuari eta negozioari buruzko jakintza-oinarri zabala eskaintzea, gastronomiarekiko lotura ahaztu gabe. Diziplina anitzeko ikuspegia, lanbidea upategien, banaketaren eta jatetxeen sektorean garatzeko.

Master class-ak, business case-ak, dastatzeak eta mintegiak izen handiko enologoen, sommelierren eta upategietako enpresaburuen eskutik.

• Iraupena: 60 ECTS kreditu
• MONDRAGON UNIBERTSITATEAREN  titulu propioa.
• Titulazio bikoitza: sommeliertza eta enomarketina.
• Gelatik kanpoko ikaskuntza-saioak: upategiak, ekoizpen-eskualdeak, etab.
• Bisitaldi teknikoak Frantziara, Errioxara, Arabako Errioxara, Nafarroara eta Txakolin-eremuetara.
• Praktikak enpresetan eta master bukaerako proiektua.

 

10+1 arrazoi

MASTERRA EGITEKO ARRAZOIAK

Ardoari eta dastatzeari buruzko jakintza-oinarri bikaina barneratu eta zentzumen-trebetasunak garatuko dituzu, ikasketak eta esperientzia izan daitezen zure irizpidearen oinarri.  


Diziplina anitzeko ikuspegia barneratuko duzu enomarketinaren, sommeliertzaren eta gastronomiaren inguruko ezaguerekin.  


Munduko ardo garrantzitsuenak ezagutuko dituzu, eta baita edari destilatuak eta bestelako likoreak ere.


Ardo-merkatuaren eta -marketinaren oinarriez jabetuko zara, salmenta-teknikez eta horietan erabiltzen den hizkuntzaz, bereziki nazioarteko merkatuari erreparatuta.


Ardoaren munduak azken urteotan izan duen bilakaeraren berri jasoko duzu, nola bilakatu den gastronomiako funtsezko osagai.


 

 

Ikastaro-orduen % 75 praktiketan erabiliko duzu: dastatzeak, ikasteko bisitak, master-bukaerako proiektua eta praktikak enpresetan.  


Master class-ak, business case-ak, dastatzeak eta mintegiak izango dituzu itzal handiko enologoen, sommelierren eta enomarketineko adituen eskutik.


Ikasteko bisitak egingo dituzu ardogintzan tradizio handia duten lurraldeetara, hala nola, Frantziara, Jerezera, Nafarroara, Txakolin-eremuetara eta Errioxara.


Ardoaren eta gastronomiaren munduko profesionalak izango dituzu aurrez aurre.


Mundu osoan erreferentzia den Basque Culinary Centerreko kide bihurtuko zara

Jauzi kualitatiboa emango duzu zure ibilbide profesionalean, eta ardoaren munduko enpresek eskatzen duten profildun profesionala izango zara.

Bideratua / Programa

Norentzat

    Hainbat diziplinatako unibertsitate-gradudunentzat (Enpresa Zientziak, Enpresen Administrazioa eta Zuzendaritza, Turismoa, Komunikazioa, Humanitateak, etab.).

    Ardoaren munduarekin lotutako enpresen marketineko, banaketako edo merkataritzako profesionalentzat, prestakuntza berezia behar dutenentzat.

    Sukaldaritzako erdi edo goi mailako tituludunentzat.

    Jardunean ari diren profesionalentza, arlo horretan trebatu nahi dutenentzat.

*Hautagaiak ingeles maila ona izatea baloratuko da.

Helburuak

Ardoaren eta beste edari batzuen gaineko ezagutza

    Ardoaren mundua ondo ezagutzea: mahastietatik hasi eta produktua upategietatik atera eta merkaturatzen den arte.

    Ardoa ontzeko eta egiteko prozesuak ezagutzea.

    Zentzumen-trebetasunak garatzea ardoa dastatzen aditua izateko.

    Munduko ardo, edari destilatu eta bestelako likore garrantzitsuenak ezagutzea.

    Ardoaren merkatuaren eta marketinaren oinarriak ezagutzea, salmenta-teknikak eta erabiltzen den hizkuntza.

Sommeliertza, Gastronomia eta Upategi-kudeaketa

Ardoaren eta edarien arlo guztiak kudeatzera bideratuta dago: eskaintza diseinatzea, upategia kudeatzea edota jatetxeko salmenta-teknikak landu eta gourmet-produktuekiko uztarketen sekretuak, prozesuak eta zerbitzua menderatzea.

Enomarketina 

Merkaturatze-lanean eroso aritzeko eta ardoaren negozioan marketin-estrategiak finkatzeko beharrezkoak diren ezagutzak lantzera bideratuta dago, bai estatuko merkatuari begira eta baita nazioartekoari dagokionez ere.

• Ardoaren munduan 360º-ko ikuspegia eskainiko dizun zeharkako masterra.
• Diziplina anitzeko ikuspegia, ikaslea hainbat hizkuntza hitz egiteko eta ulertzeko gai egiten duena:  Enologia eta dastatzea, Marketina, Salmentak eta ardo-marketina, Esportazioa, Sommeliertza eta uztarketak, Enoturismoa, etab.

Irtenbide profesionalak

Ardoaren negozioaren alderdi teknikoen eta merkataritzakoen ikuspegi orokorra izateko gaitasuna eskaintzen die masterrak ikasleei, produktuaren ekoizpena, banaketa eta salmenta kontuan hartuta.

Garapen profesionalerako eremu batzuk:

    Upategiak: arlo teknikoa eta marketinekoa (estatua eta nazioartea), komunikazioa eta aholkularitza.

    Ardoaren munduan eta gastronomian ekoizpenarekin eta sustapenarekin lotuta dauden erakundeak (jatorri-deiturak, profesionalen elkarteak, partzuergoak, …).

    Banaketaren sektorea: erosketen ardura, bezero profesionalekiko harremana, dastatzeen eta ekitaldien kudeaketa antolatzea, etab. (ardandegiak, online-salmenta, profesionalei banatzea ...).

    Jatetxeen sektorean: ardoetan eta gourmet erako uztarketetan aditua eta sommelierra.

    Enogastronomiaren eta enoturismoaren sektore ekintzailetza-negozioak.

Masterreko ikasleentzat garrantzi bereziko arloak dira gastronomiaren mundua eta enologiarena hurbiltzen dituzten proiektuak edo jarduera profesionalak, izan ere, alderdi horiek uztartzen dituen master bakarra da Espainian.

Egutegia

IRAUPENA:  60 ECTS

IKASKETA ALDIA:  urtarriletik ekainera

ORDUTEGIA:  Astelehenetik ostegunera 15:00etatik 20:00etara.*

IKASLE KOPURUA:  18

Aurrez aurreko eskolak bukatu ondoren egingo dira masterreko praktikak. 480 orduko iraupena izango dute, gutxienez 3 eta gehienez 6 hilabetean.

Ikasleak praktikak baliozkotzeko aukera izango du, baldin eta esperientzia profesionala egiaztatzen badu.

*Ordutegia astelehenetik ostegunera eta 15:00etatik 20:00etara bada ere, ikasteko bisitak, marketin-saioren bat eta, aparteko kasuetan, mintegiren edo master class-en bat goizez edo ohikoa ez den asteko egunen batean ere izango dira, beste aukerarik ez badago.

 

Metodologia

Sommeliertza eta Enomarketin Masterra bertaratuta, aurrez aurre egingo da funtsean, praktika-jarduerak pisu handia baitauka bertan. Guztira  60 ECTS kreditu hartuko ditu.

AURREZ AURREKOA

Aurrez aurreko eskoletan dastatzeak, tailerrak, profesional ospetsuen master classak, arrakasta-kasuak eta mintegiak eskainiko dira.

Aurrez aurreko eskolez gain, prestakuntza osatzeko Kanpo Merkataritzari eta Marketing Digitalari buruzko 110 orduko modulu bat egingo da.

Ikasleak e-learning ikasteko plataforma izango du, erabilerraza, ikasgelan ikasitakoa ostau eta barneratzeko lagungarri izango dituen irakurgai eta ariketekin.

Ikasteko bisitaldiak

Masterrean zehar, bisitaldiak egingo dira ardogintza-tradizio luzeko lurraldeetako upategi ospetsuetara, aurrez aurre ezagutzeko sektoreko esperientziak eta kasu arrakastatsuak.

Masterrean 1 eta 4 egun bitarteko ikasteko bisitak egingo dira ardogintzan tradizio handia duten lurraldeetara, hala nola, Frantziara, Jerezera, Nafarroara, Txakolin-eremuetara eta Errioxara, ikasgelan barneratutakoa osatzeko asmoz.

Praktikak eta proiektua

Master-amaierako proiektua ikaskuntza-prozesuan zehar landuko da. Ikasleak proiektuko tutorea izango du, eta lan horretan gidaritza eskainiko dioten adituen laguntza. Ikasturtean zehar lanak eman eta berrikusteko hainbat mugarri finkatuko dira, ikaslea urratsez urrats aurrera dadin. Aurrez aurreko eskolak amaitu eta astebetera emango da bukaerako proiektua.

Master-amaierako proiektuan ikasleak benetako edo asmatutako produktu baten edo enpresa baten marketin-plana egin beharko du, eta ardoarekin, sommeliertzarekin uztarketekin eta abarrekin lotutako alderdiak ere landuko ditu bertan. 

Kredituen % 50 burutu ondoren hasiko da praktika-aldia, eta 480 orduko iraunaldia izango du guztira. Praktikak 2018. urtea amaitu aurretik abiarazi beharko dira.

*Ikasleek praktikak baliozkotzeko aukera izango dute, gaitasunak egiaztatuz.

Talde txikien formatuari esker, irakaslearekiko edo hizlari gonbidatuarekiko elkarrekintza eta eztabaida errazagoak izango dira.

Irakasle eta gonbidatuak

Esperientzia zabaleko eta gaitasun pedagogiko handiko profesionalek osatzen dute irakasle-taldea; horiekin batera irakasle adituak eta espezialitate bakoitzeko erreferentziazko gonbidatuak arituko dira; ardoaren munduko, negozioko eta sommeliertzako itzal handiko profesionalek eskainiko dituzte Master Classak.

Diseinuko eta koordinazioko talde teknikoa:

  • Pilar Garcia Granero, Enologoa. Nafarroako Jatorri Deiturako lehendakari ohia, Nafarroako Dastatze Eskolako zuzendaria eta Masterraren Koordinatzaile teknikoa.
  • Mikel Zeberio, gastronomo aditua eta Basque Culinary Centerreko hezitzaile laguntzailea.
  • Basque Culinary Centerreko sommeliertzako eta enomarketineko aditu-taldea.
  • Proiektu-eta praktika-tutoreak.

Aurreko edizioan, gainera, ardoaren munduko profesional ospetsuek eta Michelin izarrak dituzten jatetxeetako sommelierrek ere hartu zuten parte ikastaroan; euren esperientzietan eta arrakasta-kasuetan oinarritutako gai zehatzei buruzko saioak eskaini zituzten.

Aurreko edizioetan parte hartu duten gonbidatuak honako hauek dira:

  • Pepe Hidalgo: Nekazaritza Ingeniaritzan doktorea, enologoa eta Enpresa Planifikazioan diplomaduna da. Unibertsitate-irakaslea da; ikerkuntzan lan handia eta ezaguna burutu du, eta aldi berean Espainiako hainbat upategitan teknikaria eta kudeatzailea da. Zortzi urtez Madrilgo Enologoen Elkarteko lehendakaria eta estatuko elkarteko idazkaria izan da. Gaur egun Espainiako Dastatzaileen Elkarteko Zuzendaritza Batzordeko kidea da. 

 

  • Pedro Ballesteros: Espainiako Master of Wine bakarra (2010), nekazaritza-ingeniaria da Madrilgo Unibertsitate Politeknikoaren eskutik eta Mahastizaintzan eta Enologian masterduna. Frantzian eta Estatu Batuetan osatu ditu enologia-ikasketak. Brusela du lan-egoitza nagusia. Bertatik aholkularitza-lanak egiten ditu hainbat enpresa eta erakunderentzat. Decanter World Wine Awards sariketako Espainiarako (Jerez) lehendakarikidea da eta epaile/lehendakaria izan da nazioarteko beste lehiaketa batzuetan. 

 

  • Ana Martin: Kimika Zientzietan lizentziatua da, eta Mahastizaintza eta Enologia ikasketekin osatu zuen bere prestakuntza Madrilgo Unibertsitatean. Enologoa eta Espainiako hainbat upategiren aholkularia da. Azken 20 urteotan egin diren ardo zoragarrienetako askoren sortzailea ere bada. 

 

  • Quim Vila: Vila Viniteca ardoetan espezializatutako dendaren jabea eta zuzendaria da. Espainiako ehun upategi baino gehiagoren ordezkaria da gaur egun eta horien produktuak banatzen ditu; gainera, 50 ardo baino gehiago inportatzen ditu. Aitzindaria da ardoaren e-commerce jardueran. Ekitaldi garrantzitsuen sortzailea da, hala nola, Vila Viniteca binakako dastatze-saria (zazpigarren ediziora iritsi da), “La música del Vi” edo “La Fiesta del Vino Joven”; halaber, hainbat dastatze-ekitaldi eta prestakuntza-ikastaro antolatzen ditu. 

 

  • Paco Berciano: Alma Vinos Únicos banaketa-enpresako zuzendaria eta El Lagar de Burgos ardandegiko jabekidea da. Espainiako eta Portugaleko ardoetan aditua. Hainbat komunikabidetan idazten ditu artikuluak (El Sol, El País, Cinco Días…). 

 

  • Jaume Gramona: Enologiako Diploma Nazionala du Dijongo Unibertsitatean. Ardo apardunei buruzko irakaskuntzan dihardu Tarragonako unibertsitatean, eta aldi berean, Gramona upategietako Departamentu Teknikoa zuzentzen du. Duela hilabete batzuk Cavaren Institutuko lehendakari izendatu zuten. 

 

  • Agustín Santolaya: Roda upategietako zuzendari nagusia da. Upategia Errioxako (eta Espainiako) ospetsuenen artean kokatu duen taldeko burua da. Mahastizaintzan eta Enologian magisterra da, eta goi mailako espezialista Olibondozaintzan eta Elaioteknian.

 

  • Fernando Gurucharri: Madrilgo Biologia Zientzien Fakultatean lizentziatua da. Enologian eta Mahastizaintzan goi mailako diplomaduna da Madrilgo Nekazaritza Ingeniarien Goi Eskola Teknikoaren eskutik. Espainiako Dastatzaileen Elkarteko Zuzendaritza Batzordeko kidea da sorreratik. Elkarte horretako lehendakaria da 2002. urtetik. 

 

  • Jorge Navarro: Enpresa Administrazioan eta Zuzendaritzan lizentziatua eta Marketineko masterduna da Deustuko Unibertsitatearen eskutik. Luxuaren Unibertsoaren Goi mailako programaren VI. Edizioa egin du. Luxuarekin lotutako beste ikastaro batzuk ere egin ditu, Marketing Prestige & Luxury Brands (Centre de Formation Pernod Ricard), esaterako. 2002tik Pernod Ricarden ari da lanean eta hainbat ardura izan ditu bertan: Premium Brand Manager, Trade Marketing Manager eta Champagne Perrier-Jouët-en zuzendaria Espainian. Gaur egun Garapen eta Berrikuntza zuzendaria da Domecq Bodegas - Pernod Ricard konpainian.

 

  • Juancho Asenjo: Filologoa, idazlea, sommelierren irakaslea eta Italiako ardoetan estatuko aditurik handiena da (horregatik izendatu zuten Cavaliere dell’Ordine della Stella della Solidarietá Italiana). Kultura zabaleko pertsona izanik, ardo-karta ugari egin ditu hainbat jatetxerentzat. 

 

  • Mariano García: Munduan ezagunenetakoa den enologo espainiarra da. Vega Sicilian 30 mahats-biltze baino gehiago egin zituen; gaur egun Mauro eta Maurodos upategien jabekidea eta Aaltoko bazkidea da. Gastronomiaren Errege Akademiaren eskutik Bizitza Osoagatiko Sari Berezia jaso zuen 2012an.

 

  • Carlos Falcó-Griñón Markesa: Pagos de Familia Marqués de Griñón konpainiako lehendakaria da (Dominio de Valdepusaren eta Viñedos del Rincónen jabea). Idazlea eta nekazaritza-ingeniaria da, eta Vinos de Pago adierazpen geografikoko ardoak eta kalitatezkoak egiten aitzindarietako bat izan da Espainian; olio-kontuetan Espainian eman den iraultzaren eragileetako bat ere izan da.

 

  • Rafael del Rey: Observatorio Español del Mercado del Vino fundazioko zuzendari nagusia eta Fundación para la Cultura del Vino fundazioko kudeatzailea da. Beraz, estatuko eta nazioarteko merkatuak ondo baino hobeto ezagutzen ditu. Gainera, hizlari eta hezitzaile da mahastizaintzako eta ardogintzako foro nagusietan.

 

  • Javier Pulido: Edari destilatuetan estatuan den aditu handienetakoa da. “Vinum” aldizkarian egin du lan eta gaur egun sommelierrak, brand ambassador-ak, banatzaileak, destilategiak … trebatzen eta horien inguruko aholkularitzan dihardu batez ere.

 

  • Enrique Larumbe: EUROGAP enpresako zuzendari nagusia da. Ardogintzako eta Elikagaien sektoreko merkataritza-marketina da enpresaren espezialitatean. 45 upategi, kontseilu arautzaile eta jatorri-deitura baino gehiagoren aholkularia da. Hizlaria izan da hainbat foro eta unibertsitatetan, hala nola, Deustu, Menéndez Pelayo, EHU eta ESIC unibertsitateetan.

 

Matrik. / Laguntzak

MASTERRAREN PREZIOA

Masterraren prezioa 9.100 eurokoa da, eta zenbateko hori honela ordaindu beharko da:

    150 € hautagaitza aurkeztean (osorik itzuliko da hautagaia onartua ez bada).

    3.580 € onarpena baieztatzean, plaza gordetzeko kontzeptu modura.

    Gainontzeko zenbatekoa 1.790 €-ko hiru kuotetan.

FINANTZAKETA-AUKERAK

Fakultateak finantzaketarako hitzarmen bereziak ditu hainbat finantza-erakunderekin (gehienez 6 urtetan finantzatzeko aukera).

DIRU-LAGUNTZA AUKERAK

Diru-laguntza jasotzeko aukera (zati bat edo osorik ordaintzeko) Tripartita fundazioaren bidez:

IKASLEA ENPLEGAGARRITASUNEAN LAGUNTZEA

Ikasleei lanpostua bilatzen laguntze aldera, ikasketek iraun bitartean edo ondoren, fakultatean jasotzen diren lan-eskaintzen berri emango zaie Masterreko ikasleei.

Era berean, egonaldiak iraun bitartean, fakultateak eskaintzen dituen ikasketa- eta lan-bekak eskatzeko aukera izango dute, eta horrela, hainbat departamentutan lan egin dezakete: I+G, operazioak, kafetegia, etab.

 

Onarpen prozesua

Aurreinskripzioa egiteko pausuak:

1 AURREZ IZENA EMATEA

Izena emateko eskaera bete eta posta elektronikoz edo ohiko postaz helarazi behar da.
Zehaztutako dokumentazioa erantsi behar da izen-ematearekin batera

2 HAUTAKETA PROZESUKO FASEAK GAINDITZEA

1. fasea: Prestakuntza eta esperientzia egiaztatzea
Onarpen Batzordeak baloratuko ditu honako baldintza hauek betetzen dituzten eskabideak:
    Hainbat diziplinatako unibertsitate-gradudunak (Enpresa Zientziak, Turismoa, Agronomoak, Komunikazioa, Humanitateak, etab.).
    Ardoaren munduarekin lotutako enpresetako marketineko, banaketako edo merkataritzako profesionalak, prestakuntza berezia behar dutenak.
    Sukaldaritzako erdi edo goi mailako tituludunak.
    Jardunean ari diren profesionalak, arlo horretan trebatu nahi dutenak.
2. fasea: Kontrastea egiteko elkarrizketa (Skype bidez)
Ezagutza zehatzak baloratu ahal izateko, Hautapen Batzordeak elkarrizketa pertsonala egingo dio 1. fasea gainditu duen hautagaiari, emandako datuak kontrastatu eta prestakuntzarekiko ardura hobeki ezagutzeko
3. fasea: Motibazioa eta gaitasun pertsonalak baloratzea
Ikasleak prestakuntza-prozesua arrakastaz gainditzeko zer motibazio eta gaitasun pertsonal duen baloratuko du Hautapen Batzordeak. Horretarako, aurkeztutako motibazio-eskutitza hartuko da aintzat.
Hautaketa-prozesuaren hiru faseak bukatu ondoren, hautagaiak azken puntuazioa eskuratuko du. Puntuaziorik onena eskuratu duten 24 hautagaiak onartuko dira eta ondoren plazak betetzen hasiko dira, plaza gordetzeko ordainketak iristen diren ordenaren arabera.

3 PLAZA GORDETZEKO ORDAINKETA

Hautagaiak prozesua gainditzen badu emaitzaren berri emango zaio, eta onartua izan den edo erreserban dagoen adieraziko zaio.
Onartutakoei plaza gordetzeko zenbatekoa ordaintzeko eskatuko zaie, izen-ematea gauzatzeko.

 

 

Alojamendua

Culinary House
EGOITZAREN DESKRIBAPENA

2017/2018 ikasturtean irekitako ikasleen egoitza.

Basque Culinary Center-etik pausu batera kokatua, eta hiri erdigunearekin konexio bikainekin, egoitzak ohe bikoitza, telebista, altzari moderno, sukalde txiki eta komun pribatua dituen 73 estudio ditu. Logela guztiek kanpora begiratzen dute, eta diseinu eta teknologien azken joerekin bat dator. Instalazioak bestalde, ondo hornituak daude, izan ere sukalde haundi bat daukate, ikasleek sukaldaritza praktikak egin ditzaten, baita bilera gelak, gimnasio eta egongela bat ere, non ikasleak sozializatu eta erlaxatu daitezkeen.

Eskaintzen dituen zerbitzuen artean:

  • Jakatxoaren garbiketa astero
  • Logela garbiketa astero
  • Abiadura handiko internet konexioa
  • Aire girotu eta berokuntza.
  • Garbigailu eta lehorgailudun ikuztegia
  • Atezaintza zerbitzua, posta eta paketeen bilketarako eta 24 orduko zaintza zerbitzuak bideo kamera bitartez

BCCko ikasleek lehentasunezko tarifak izango dituzte

Informazio gehiago www.numadstudios.com

BESTE ALOJAMENDU AUKERAK


Erlojiosoen Ikasle-Egoitzak

Ikasle-egoitza hauek txikiak dira eta sarrera ordutegi mugatua dute. Gelak banakakoak edo binakakoak izan daitezke eta denek dute bainugela. Litekeena da mantenu osoa eskaintzen dutenek, asteburuetan otordu guztiak ez eskaintzea. Egoitza hauetan onartua izateko elkarrizketa pertsonal bat egin behar da familiarekin.

Arraian agertzen ditugun prezioak gutxi gorabeherakoak dira.

EMAKUMEZKOENTZAKO Egoitzak:
RESIDENCIA COMPAŃÍA DE MARÍA
Camino de S. Bartolomé, 24
Tel 943 464795
Regimen pensión completa
Precio apróximado 625€/mes
ESCLAVAS DEL SAGRADO CORAZÓN
Avda. Gral. Zumalakarregi, 11
Tel 943 210800
Regimen pensión completa
Precio apróximado 580-615€/mes
Las residentes tienen que desalojar la residencia durante los fines de semana salvo en época de exámenes.
MISIONERAS DEL SAGRADO CORAZÓN
Paseo de la Fe, 34
Tel 943 456072
Regimen pensión completa
Precio apróximado 350-490€/mes
RESIDENCIA VILLA ALAIDI E.A.M.
Paseo de Heriz, 95
Tel 943 210866
Regimen media pensión o pensión completa
Precio apróximado desde 450€ hasta 590€/mes
No se ofrecen comidas durante el fin de semana aunque hay una cocina a disposición de las residentes.
RESIDENCIA EL CARMELO PASIÓN
Ilumbe, 8
Tel 943 456600
Regimen pensión completa
Precio apróximado 540€-605€/mes
COLEGIO MAYOR JAIZKIBEL
C/ Aldapeta, 49
Tel 616 369 815
Regimen pensión completa
Precio apróximado 932€/mes
No hay cocinas disponibles para las residentes pero las estudiantes de BCC podrán realizar prácticas de cocina.
RESIDENCIA CET ORIA
Paseo de Ayete, 25
Tel 943 242400
Regimen pensión completa
Precio apróximado 370€
El precio del alojamiento y pensión se costea trabajando en el servicio de alimentación. Admisión mediante entrevista.
GIZONEZKOENTZAKO EGOITZAK:
COLEGIO MAYOR AYETE
Pş Ayete, 25
Tel 943 21000
Regimen pensión completa
Precio apróximado 1.055€/mes
RESIDENCIA LA SALLE
Pş Maddalen Jauregiberri,2
Tel 943 454400
Regimen habitación y desayuno
Precio apróximado 320€-380€/mes

EGOITZA LAIKOAK

Estas residencias son mixtas y son de mayor tamaño que las residencias religiosas. Generalmente no tienen horarios de entrada.

EGOITZA MISTOAK:
COLEGIO MAYOR OLARAIN
Pş Ondarreta, 24
Tel 943 003300
Regimen alojamiento y desayuno, media pensión o pensión completa
Precio apróximado desde 498€ hasta 1.090€/mes
El precio incluye la limpieza del uniforme de cocina. No hay cocinas disponibles para los residentes aunque los estudiantes de BCC podrán hacer prácticas de cocina en un espacio debidamente equipado para ello.
RESIDENCIA MANUEL AGUD QUEROL
Pş Berio, 9
Tel 943 563000
Regimen alojamiento
Precio apróximado desde 403€ hasta 690€/mes
Residencia de la Universidad de País Vasco; alojan prioritariamente a los estudiantes de la UPV pero pueden tener plazas disponibles desde la reciente ampliación.

BIZILEKUA PARTEKATUTAKO ETXEETAN


Interesdunek aldez aurretik baimena emanda, BCCko ikasleen bulegoak elkarrekin harremanetan jartzen ditu ikasleak etxea alokatzeko antolatu daitezen. APP BCC Students app-aren bidez, gainera, jabeek jakinarazita alokagai dauden etxe/gelen berri ematen diegu onartutako ikasleei. Donostian, batez beste 350 € ingurukoa da ikasle batek hilean partekatutako etxe batean ordaindu behar izaten duen prezioa

Bidaiaren aurreko tramiteak

Europar Batasuneko, Norvegiako, Suitzako, Liechtensteingo eta Islandiako ikasleei ez zaie bisarik eskatuko Espainian bizitzeko.

Gainontzeko ikasleek epe luzerako ikasketa-bisa eskatu beharko dute, 180 egunetik gora Espainian bizitzeko baimena emango diena. 

Espainiak atzerrian dituen ordezkaritza diplomatikoetan eta kontsulatuetan eskatu beharko dute bisa. Garrantzitsua da beharrezko dokumentazioaren berri izatea, lehenbailehen prestatzen joateko, izan ere, bi hilabete arteko epea dute agintariek bisa-ematea jakinarazteko. 

Donostiara iritsi ondoren, ikasleek hilabeteko epea izango dute atzerriko ikasleen txartela izapidetzeko Donostiako Atzerritarren Bulegoan. BCCko ikasleen bulegoak emango die ikasleei izapide horren berri.


Kirol-zerbitzuak

MUk eskaintzen duen kirol-zerbitzuaren bidez, ikasleek taldeko nahiz banakako kirolaz edota taldekako irteerez goza dezakete (eskiatzeko asteburuak, surf irteerak, etab. ).

Horretaz gain, Donostiak eskaintza zabala du kiroletarako udal instalazioetan. Kirol Txartelari esker hiriko udal instalazio guztiez gozatu ahal izango duzu oso prezio eskuragarrian. Informazio gehiagorako, erabili ondorengo esteka.

Deportes
Deportes
Deportes

Bizi Kostuaren Info

Ondoren, Donostiako BIZI KOSTUARI buruzko informazioa emango dugu.

Entretenimendua

Garraioa

Hiri-barruko autobusen sarea erabiltzea da hirian batetik bestera joateko modurik onena. Donostiako Tranbia Konpainiak eskaintzen du zerbitzu hori.


www.dbus.es web-orrian ibilbideei, ordutegiei eta tarifei buruzko informazio guztia eskaintzen du. Gainera, bi tokiren arteko autobus-ibilbidea ikusi eta iraupena kalkulatzeko aukera ere ematen du.

Eguneroko erosketak

Ostatua

Egoitzak eta ikastetxe nagusiak ere badira Donostiako ostatu-eskaintzan. Mota horretako ostatua nahi izanez gero, erreserba lehenbailehen egitea komeni da.


Hirian diren egoitza batzuei buruzko informazioa biltzen duen dokumentua duzu ondorengoa.


Behera kargatu: Ostatua Donostian

Ikasleek hileko garraio-bonoak erabil ditzakete, autobusaren kostua merkatzeko.
 


Donostia - San Sebastián

Donostia Gipuzkoako administrazio hiriburua da, Euskadi osatzen duten lurraldeetako bat, non bi hizkuntza ofizial bizikide diren: gaztelania eta euskara.

Kantauri itsasoaren ertzen, Donostia aparteko edertasuna duen inguru natural bateko hiri txiki bat da. Erregeen eta jaunen opor-leku, Belle Epoque garaian, tradizioa eta modernotasuna bizikide diren jaun-hiri bihurtu zen Donostia.

donostia
donostia
donostia
Donostia Turismok utzitako irudiak
Bere edertasun ikusgarriaren parekorik badago, bertako gastronomia da hori: “euskal sukaldaritza berriaren” sorleku, sukaldaritzako abangoardiaren muin eta pintxoen munduko hiriburu, Donostia biztanleko Michelin izar gehien dituen hiria da munduan. Bere jatetxeen garrantziak, elkarte gastronomikoek eta bertako lehengaien kalitateak, mundu mailako gastronomia erreferente bihurtzen dute Donostia. Which aldizkari britainiarrak, ez zuen halabeharrez hautatu Donostia munduko helburu gastronomikorik onena gisa.

Azken urteetan, berrikuntza eta iraunkortasuna Donostiaren garapenaren ardatz nagusi izan dira, eta ekimen horrek aparteko leku bihurtu du bai oinezkoentzat bai bizikletaz dabiltzanentzat.

donostia
donostia
donostia
Donostia Turismok utzitako irudiak
ZERGATIK IKASI GASTRONOMIA DONOSTIAN?
  • Donostian, Euskadiko gainerako lekuetan bezala, gastronomia gizartearen parte delako eta edozein gertaera eta ospakizunetan mahaiko gauza goxoekin gozatzen delako. Donostiak, 185.000 biztanleko hiriak, 120 gastronomia elkarte ditu.
  • Espainian hiru Michelin izar dauzkaten zortzi jatetxeetatik lau Euskadin daudelako, eta horietatik hiru Donostian daudelako.
  • Bere eskaintza kulturalagatik, mundu mailako aitorpena duten zinema eta jazz jaialdiengatik. Donostia 2016ko Europako Kultur Hiriburu izendatu dute.
  • Bertako hondartzengatik, aukera-aukerakoak dira urte osoan surfa egiteko.
  • Mendiagatik, 2,5 ordutara daude Pirinioak.
  • Hiri segurua, eskuragarria eta erosoa delako.

donostia
donostia
donostia
Donostia Turismok utzitako irudiak
NOLA IRITSI DONOSTIARA
Donostia Espainiako hiri nagusienekin lotuta dago autobus, tren eta hegazkin bidez.

Donostiako aireportua hiritik 20 km-ra dago. Aireportu txikia da, Madrilerako eta Bartzelonarako hegaldi zuzenak dituena. Autobus zerbitzua eskaintzen du hiriaren erdiguneraino.

Bilboko nazioarteko aireportua, Donostiatik ordubetera dago, eta hiriarekin lotuta dago, aireportutik abiatzen den maiztasun handiko autobus zerbitzu baten bidez.

Biarritzeko nazioarteko aireportua, Donostiatik 45 minutura dago, baina bertara zuzenean iristeko autobus bakarra eskaintzen du eta egunean behin.
donostia Donostia Turismok utzitako irudiak


BCC Students

Los estudiantes de Basque Culinary center durante el periodo de su formación podrán acceder en exclusiva a la aplicación de móvil APP BCC Student. Mediante esta aplicación el estudiante recibirá notificaciones de becas remuneradas, actividades extra de aprendizaje, eventos en los que puede participar, de invitaciones a máster class exclusivas y tendrá información en exclusiva de la oferta de alojamiento, de los descuentos para los estudiantes, reservas de comidas en cafetería y restaurante, transporte, etc.


Catalogo

SOMMELIERREAN ETA ENOMARKETINGEAN MASTERRA MASTERRA egitea interesatzen zaizu?

Sartu hemen zure helbide elektronikoa eta izena eta PDF bat bidaliko dizugu SOMMELIERREAN ETA ENOMARKETINGEAN MASTERRA MASTERRARI buruzko informazio garrantzitsuenarekin
Bidali
Desarrollado por: www.dedomultimedia.com