Zientzia Gastronomikoen Fakultatea hartuko duen eraikinaren lehen harria jarri eta sei hilabetera soilik, Basque Culinary Centerra osatzen duen Patronatuaren ordezkariek lanek aurrera nola egin duten “in situ” ikusi ahal izan dute. Izan ere, 11.000 metro koadro izango dituen eraikin honen bost solairuetatik bi eta erdi eraikita daude jada. Osatuta dago jada datorren ikasturtean Zientzia Gastronomikoen Fakultate bat eta I+G zentro bat hartuko duen Espainiako eta munduko unibertsitate bakarra izango denaren hezurdura. Hamabi hilabeteko lana geratzen da aurretik. Datorren udan prest egongo da zientzia gastronomikoetan nazioarteko erreferente bilakatuko den eraikina. Horrela, 2011-2012 ikasturtean Estatuko Zientzia Gastronomikoen lehen Fakultatea bilakatuko da eraikina eta I+G zentroak sukaldari unibertsitarioen lehen promozioa hartuko du.