Nazioarte mailan gastronomiaren sektorean aitzindaria den erakundearen parte izatea gustatuko litzaizuke? Diseinu grafikoan formakuntza duzu? Orduan, proiektu hau zuretzat da! 

Zure eginkizun  nagusia Diseinu eta Komunikazio taldeari laguntzea izango da, erakundearen nortasun bisualarekin erlazioa duten egizkizunak exekutatuz. Honez gain, marka-koherentzia, material grafiko eta ikus-entzunezkoen kalitatea bermatzea ere garrantzitsua da. Era berean, BCCko arlo desberdinekin elkarlanean arituko zara material grafiko eta digitalen sorkuntza-beharrei erantzuna emanez.  

Gure lan-ildo nagusiak honako hauek dira: 

• Diseinu grafikoaren arloan laguntzea, aurkezpenetarako, kartelgintzarako, sare sozialetarako, argitalpen-materialetarako, eszenografietarako eta ekitaldietarako pieza bisualak sortuz eta egokituz, erakundearen nortasun bisuala euskarri ezberdinetan aplikatuz. 
• Nortasun bisualaren kudeaketan laguntzea, markaren erabilera egokia eta nortasun korporatiboaren eskuliburuen aplikazioa zainduz. 
• Edukiak kanal eta formatu desberdinetarako ekoiztea eta egokitzea, bai digitalak bai inprimatuak, hizkuntza desberdinetako bertsioak sortuz. 
• Taldeari laguntza operatiboa ematea, fitxategi grafikoak eta baliabide-bildumak antolatuz, baita kanpoko hornitzaileekin koordinazioan lagunduz ere. 
• Materialen kalitate bisuala berrikustea eta bermatzea, koherentzia grafikoa ziurtatuz eta markaren erabileran egon daitezkeen akats edo desadostasunak identifikatuz. 

Ezaugarri hauekin identifikatuta sentitzen zara? 

• Diseinu grafikoko, komunikazio bisualeko, arte ederretako edo antzeko arloetako goi-mailako titulazioa duzu. 
• Antzeko lanpostuetan urtebetetik gorako esperientzia duzu. 
• Diseinu-programetan, bideo-edizioan eta web edukien kudeatzaileetan (CMS) ezagutzak dituzu. 
• Sentsibilitate estetikoa eta xehetasunekiko arreta handia dituzu. 
• Euskara eta ingelesa erdi-mailan (B2 edo goragokoa) menperatzen dituzu. 

Gure arreta piztuko duzu... 

• Markekin eta nortasun korporatiboekin lan egiten esperientzia baduzu. 
• Ikasteko gaitasun handia eta taldean lan egiteko trebetasuna baduzu. 

Zer espero dezakezu Basque Culinary Center-en? 

• Gastronomiaren sektorean erreferente den erakunde batean zure ibilbide profesionala garatzeko aukera. 
• Aldi baterako lan-kontratua lanaldi osoan. 
• Lan-malgutasuna eta telelana egiteko aukera, jardueraren arabera. 
• Lan-giro ona sustatzen duen ingurune baten parte aktiboa izatea. 
• Aniztasunarekin eta inklusioarekin konprometitutako erakundea. Desgaitasun-ziurtagiria baduzu, jakinarazi iezaguzu laguntzarik egokiena eskaini ahal izateko. 

Gure taldean lan egitea gustatuko litzaizuke? Ez izan zalantzarik eta eman izena lan-eskaintzan!