Salmentak, formakuntza eta nazioarteko inguruneetan lan egiten esperientzia duzu? Ikaskuntza-esperientzia paregabeak sortzea eta erakunde zein enpresekin elkarlanean eragin handiko formakuntza-proiektuak garatzeak motibatzen zaitu? Hala bada, Basque Culinary Center-en zure bila gabiltza! 

Aliantza Akademikoen eta Neurrira Egindako Formakuntzaren arloan egindo duzu lana. Bertan, enpresekin eta erakundeekin harreman estrategikoetan lan egingo duzu, aukerak identifikatuz eta haien beharretara egokitutako formakuntza-proposamenak diseinatuz. Profesionalentzat esperientzia paregabeak sortzeko funtsezkoa izango zara, bai estatu mailan bai nazioartean. 

Nolakoa izango da zure egunerokotasuna? 

• Enpresekin, erakundeekin eta taldeekin harreman zuzena izango duzu, haien beharrak entzunez eta neurrira egindako prestakuntza-proposamenak sortuz.  
• BCCren aliantza estrategikoen barruan bezeroak erakartzen eta fidelizatzen parte hartuko duzu.  
• Proposamen komertzial osoak prestatuko dituzu: edukia, ikuspegi pedagogikoa, formatua eta aurrekontua.  
• Barneko eta kanpoko eragileekin negoziazioak egingo dituzu.  
• Neurrira egindako proiektuen operatiba logistikoa kudeatuko duzu: hizlarien bidaiak eta ostatua, espazioak, catering-a, dokumentazioaren koordinazioa…  
• Emaitzak eta ebaluazioak aztertuko dituzu, hobekuntzak proposatzeko eta edizio bakoitzaren kalitatea handitzeko.  

Ondoko ezaugarriekin identifikatzen zara? 

• Goi-mailako Lanbide Heziketa Merkataritza Kudeaketan, Nazioarteko Merkataritzan edo antzeko arloetan.  
• Gutxienez 3 urteko esperientzia formakuntzaren salmentan.  
• Euskara eta ingelesa C1 mailan.  
• Gaitasun sozialak, gertutasuna eta konfiantzazko harremanak sortzeko ahalmena.  

Gure arreta piztuko duzu... 

• ADEko edo antzeko gradua baduzu.  
• Nazioartekotze-programetan parte hartu baduzu (BEINT, Global Training…).  
• CRM tresnak menperatzen badituzu.  
• Gastronomia sektorean eta/edo formakuntzan ezagutza edo esperientzia baduzu.  

Zer espero dezakezu Basque Culinary Center-en? 

• Formakuntzaren eta gastronomiaren arloan nazioarteko eta aitzindari den proiektu baten parte izatea.  
• Kontratu mugagabea etengabe eboluzionatzen ari den erakunde batean.  
• Malgutasuna eta telelana egiteko aukera.  
• Pertsonak zaintzen dituen, lankidetza sustatzen duen eta hazkunde profesionala bultzatzen duen ingurunea.  
• Espazio inklusiboa, desgaitasun-ziurtagiria duten pertsonei laguntza emanez.  

Gure taldean lan egitea gustatuko litzaizuke? Bidali zure hautagaitza. Zure zain gaude!