Esperientziarik al duzu komunikazio arloan?  Nazioartean aitzindaria den erakundearen parte izatea gustatuko litzaizuke? Jarraitu irakurtzen zuri eskain diezazukeguna ezagutzeko! 

Zure eginkizun nagusia Basque Culinary Center-eko Ekosistemarako komunikazio pieza eta ekintza ezberdinak sortu, planifikatu eta kudeatzea izango da.  

Ekosistema horrela osatzen da Basque Culinary Center-en eraikina Miramonen (Donostia–San Sebastián), Gastronomy Open Ecosystem (GOe) Grosen (Donostia–San Sebastián) eta EDA Drinks & Wine Campus (EDA) Vitoria-Gasteizen eta Laguardian. 

Komunikabideekin eta gastronomia ekosistemako eragileekin harremana kudeatzeaz arduratuko zara, nazioko zein nazioarteko agenteekin elkar lanean arituz eta mundu mailan aitzindaria den marka baten posizionamenduan lagunduz. 

Gure lan-ildo nagusiak honako hauek dira: 

• Basque Culinary Center Ekosistemaren estrategiarekin lerrokatutako komunikazio-ekintzak planifikatu eta koordinatzea. 
• Sare sozial eta kanal digitalen komunikazioa exekutatu eta optimizatzea. 
• Online eta offline komunikazio-estrategietarako edukiak sortu eta egokitzea. 
• Komunikabideekiko harremana koordinatu eta prentsa-estaldura gainbegiratzea. 
• Marketin digitaleko planen definizio eta garapenean laguntzea. 

Ezaugarri hauekin identifikatuta sentitzen zara? 

• Komunikazio, Marketin, Publizitate edo antzeko arloetako Gradua duzu. 
• Gutxienez 2 urteko esperientzia duzu online eta offline komunikazio-estrategien plangintza eta exekuzioan. 
• Euskara eta ingelesa maila altuan (C1) menderatzen dituzu. 
• Bidaiatzeko prestutasuna duzu. 
• Lehentasunez Gipuzkoan edo Araban bizi zara. 

Gure arreta piztuko duzu... 

• Komunikazio arloko Master bat izatea (adibidez, Komunikazio Gastronomikoa, Enpreseekiko Komunikazioa edo antzekoak). 
• Ardo eta edarien komunikazioan ezagutzak izatea edo gastronomia likidoaren sektorean lan-esperientzia izatea. 
• Diseinu grafikoko eta bideo-edizioko tresnetan ezagutzak izatea. 
• Nazioarteko eta kultura-anitzeko inguruneetan ibilbide profesionala garatu izana, testuinguru eta talde ezberdinetara egokituz. 
• Pertsona sortzailea, proaktiboa eta ikuspegi estrategikoa duena izatea, ideiak erakundearen helburuekin lerrokatutako balio-proposamen bihurtzeko gai dena. 

Zer espero dezakezu Basque Culinary Center-etik? 

• Konfiantzan oinarritutako lan-ingurunea, autonomia, malgutasuna eta emaitzetara bideratua. 
• Lanaldi osoko kontratu mugagabea. 
• Etengabe hazten ari den ekosistema baten parte izatea, diziplina anitzeko eta kultura anitzeko ingurunean, gastronomiaren munduari ikuspegi globala emango dizuna. 
• Lan-giro ona mantentzeari garrantzia ematen diogu. Gure taldeko pertsonak zaintzen ditugu. 
• Ingurune inklusiboa sustatzen dugu. Gainera, Desgaitasun Ziurtagiria baduzu, jakinarazi iezaguzu behar duzun laguntza egokia bermatzeko. 

Gure taldean lan egitea gustatuko litzaizuke? Bidali zure hautagaitza. Zure zain gaude!