Baduzu esperientziarik formakuntza arloan? Salmentara bideratutako pertsona zara? Hala bada, aukera interesgarria izan daiteke zuretzat! 

Zure eginkizun nagusia profesionalentzako ikastaroen arloari laguntza ematea izango da, proposamen pertsonalizatuak lantzen eta formakuntza-proiektuak kudeatzen. Arloko arduradunarekin eta gainerako taldearekin elkarlanean, ikastaroen funtzionamendu egokia eta garapen optimoa bermatuko dituzu. 

Zure egunerokotasunean... 

• Talde eta enpresen eskaerei arreta eman eta erantzungo diezu, beharrak identifikatuz eta dauden soluzioak egokituz eta/edo eskaintza berriak garatuz
• Bezeroak erakartzera eta fidelizatzera bideratutako ekintza komertzialen planak gauzatuko dituzu. 
• Proposamen komertzialak landu eta horien jarraipena egingo duzu, edukia, ikuspegi pedagogikoa, formatua eta aurrekontua definituz. 
• Formakuntza proiektu pertsonalizatuak diseinatu, garatu eta koordinatuko dituzu. 
• Baldintzak negoziatuko dituzu hainbat eragilerekin. 
• Neurrira egindako proiektuen operatiba eta dokumentazioa koordinatuko dituzu, bai maila nazionalean bai nazioartekoan (hizlarien ostatu eta joan-etorriak, espazioen erreserbak, jatetxe-zerbitzuak, etab.). 
• Ikastaroen ebaluazioak aztertu eta etorkizuneko edizioetan ezartzeko hobekuntzak proposatuko dituzu. 

Ezaugarri hauekin identifikatuta sentitzen zara? 

• Enpresen Administrazioa eta Zuzendaritza,
  Marketin eta Publizitateko, Kudeaketa Komertzialeko, Nazioarteko Merkataritzako, Turismoko edo antzeko arloetako Goi Mailako Lanbide Heziketa duzu.
• Gutxienez 3 urteko esperientzia duzu prestakuntzaren kudeaketa eta salmentaren arloan
• Euskara eta ingeles maila altua duzu (C1). 
• Pertsona gertukoa zara.

Gure arreta piztuko duzu... 

• Marketin, Publizitate, Turismo edo antzeko arloetako Unibertsitate Gradua baduzu. 
• Edizio grafikoari buruzko oinarrizko ezagutzak badituzu. 
• CRM tresnekin lan egiteko esperientzia baduzu. 
• Gastronomiaren sektorean lan egin baduzu edo ezagutzen baduzu. 

Zer eskaintzen dizugu Basque Culinary Centeren? 

• Formakuntzaren eta gastronomiaren arloan aitzindaria den proiektu baten parte izatea. 
• Kontratu mugagabea lanaldi osoan.
• Malgutasuna eta telelana egiteko aukera. 
• Pertsonak zaintzen dituen eta lankidetza sustatzen duen lan-ingurunea. 
• Ingurune inklusiboa sustatzen dugu. Gainera, desgaitasun-ziurtagiria baduzu, kontuan hartuko dugu behar duzun laguntza izan dezazun. 

Proiektu hau zuretzat dela sentitzen duzu? Ez izan zalantzarik eta eman izena eskaintzan! Zure zain gaude!