Saio honetan, sormenaren, nutrizioaren eta gastronomiaren ikuspegitik funtsezkoak diren hiru gai aztertuko ditugu.

Saioak teoria eta praktika uztartuko ditu, diziplina horiek ostalaritzan duten egungo egoeran sakonduz. Glutenik gabeko sormenezko errezetak, beganoak eta haurren gustuetara egokituak garatzeko eta asmatzeko funtsezko puntuak azpimarratuko ditugu. Hainbat errezeta sortuz, parte-hartzaileek eskuratutako ezagutzak aplikatuko dituzte, eta jardunaldia showcooking batekin amaituko da, esperientzia sendotzeko.

Zeliakoentzako menuak

Aukera seguruak eta sortzaileak, inplementatzeko tresnak eskainiz.

Beganoentzako menuak

Entsalada eta barazkiez gain, aukera gastronomiko orekatu eta erakargarriak aztertuko ditugu.

Haurrentzako menuak

Txikienentzako proposamen dibertigarri eta elikagarrietara bideratuko gara.

HELBURUAK

• Zeliakoentzako, beganoentzako eta haurrentzako menuetan egungo egoerari heltzea.
• Sormenezko menuak sortzeko baliabideak erabiltzea.
• Alergenoak kudeatzea sukaldean, zeliakoentzat egokiak diren aukera seguruak eskaintzeko.
• Menu errazak, originalak eta oso erreplikagarriak sortzeko tresnak, zure eskaintza bereiziko dutenak.

Euskadi Gastronomika sareko profesionalen profilei zuzendutako saio bat da. Bertan, kontsumitzailearekiko konfiantza eta hurbiltasuna sortzen lagunduko dizuen salmenta-estilo desberdin bat entrenatu ahal izango duzue, galderatik zuzendutako salmenta bat, non bezeroa izango den protagonista.

HELBURUAK

• Bezeroekin hitz egiteko trebetasuna berritzea, erosteko erabakian eragiteko, elkarrizketa emaitzak lortzera bideratuz, upselling salmenta eta salmenta gurutzatua egiaztatuz.
• Aholkatutako salmenta-estiloa garatzea.

Zerbitzuaren bikaintasunari eskainitako jardunaldia. Lehenengo orduan, joera eta negozio-eredu berriak aztertuko ditugu, jatetxe-arloko aditu batekin. Ondoren, gure adituek gidatutako lan-gosari batean, talde-dinamika batean murgilduko zara benetako arazoei heltzeko eta irtenbide berritzaileak proposatzeko.

Atsedenaldiaren ondoren, hizlariek tresna baliotsuak partekatuko dituzte aretoko kudeaketa hobetzeko saio interaktibo eta praktiko batean. Aurkeztutako tresnak eguneratzeko eta horiei buruz hausnartzeko aprobetxatuko duzu.

Azkenik, jardunaldian zehar sortutako hobekuntza-proposamenak azaldu eta eztabaidatuko dira.

HELBURUAK

• Ostalaritzaren sektoreko joera eta negozio-eredu berritzaileak aztertzea.
• Lantaldeetan benetako problematikak identifikatzea eta jorratzea, irtenbide sortzaileak sortzeko.
• Aretoko kudeaketa hobetzeko tresna praktiko eta eraginkorrak eskaintzea.
• Parte-hartzaileen artean ideien eta esperientzien trukea erraztea.
• Hobekuntza-proposamenak finkatzea, eskainitako zerbitzuaren kalitatea optimizatzeko.

Saio honetan, komunikazio gastronomikoaren egungo ekosistemari begiratu orokorra emango zaio. Hasteko, agertoki honetan giltzarri diren ahotsak eta haien adierazgarritasuna aztertuko ditugu. Komunikazio estrategikoari buruzko sarrera txiki bat egingo da, eta irudiaren eta edizio grafikoaren garrantzia jorratuko da, baita sare sozialen erabilera estrategikoa ere eduki gastronomikoa sustatzeko eta zabaltzeko.

Azkenik, komunikazio-plan estrategiko batean jomugak nola sortu eta ezarri zirriborratuko dugu.

HELBURUAK

• Identifikatu nortzuk diren aktoreak eta zer rol betetzen duten komunikazio gastronomikoaren egungo ekosistema konplexuan: komunikabideak, webgune espezializatuak (adibidez, Tripadvisor), influencer-ak, sukaldariak, sektoreko erakundeak (The 50 Best Restaurants, Michelin), erakunde publikoak, enpresak, etab.
• Gastronomiak dituen erronken ikuspegi kritikoa osatzea eta sektorearen komunikazioari aurre egiteko orduan deontologia barneratzea.
• Sare sozialen motak bereiztea eta plataforma bakoitzera hobekien egokitzen diren edukiak zehaztea.
• Sormen-baliabideak aplikatzea proiektu gastronomikoak kontzeptualizatzeko, diseinatzeko eta gauzatzeko.
• Gastronomiari aplikatutako marketin digitalaren oinarrizko printzipioak ezagutzea.
• Edozein proiektu, jatetxe edo chefek duen izen onaren (online eta off-line) garrantzia ulertzea eta krisiaren aurrean jarduten jakitea.