Eduki nagusira joa

Nabigazio-menura joan

Hizkuntza aukera

  • BCulinary Live Social
  • BCulinary Live Social
  • BCulinary Live Social
  • BCulinary Live Social
  • BCulinary Live Social
  • BCulinary Live Social
  • Whatsapp

Nabigazio-menura joan

Hartzidura, gastronomian gaur egun den joera garrantzitsuena, eztabaidagai Basque Culinary Centerren Symposiumean

11 Azaroa 2016

  • Astelehenean egingo dute Basque Culinary Centerren instalazioetan BCulinaryLAB Symposium topaketa, hartzidura hizpide hartuta
  • Gastronomiaren sektoreko profesionalentzako ekitaldian partaide izango dira hartziduraren guru Sandor Elix Katz, Mugaritz jatetxeko Dani Lasa eta Ramon Perisé, eta Sempio enpresako chef korearrak, beren herrialdeko teknika tradizionalak erakutsiko dituztenak
  • Munduko gastronomian puri-purian diren teknikak eta joerak ardatz izango dituen sinposioaren lehen edizioa izango da

Datorren astelehenean, BCulinaryLAB Fermentation Symposium batzarra egingo dute Basque Culinary Centerren instalazioetan, BCulinaryLab-ek antolatuta. Aurtengoa lehenengo edizioa izango da, baina aurrerantzean urtero antolatuko dute topaketa, ikerketa-zentroetan, puntako jatetxeetan eta BCC Innovation sailean garatutako proiektuetan nabarmendu diren azken joerak aztertzeko.

Lehen sinposioan hartziduraren gaiari helduko diote. Gaur egun, gastronomiaren nazioarteko panoraman modan den teknika nagusietako bat da. Mundu osoko jatetxe eta ikerketa-zentro askotan lantzen dute, eta ondorio garrantzitsuak ditu osasunaren arloan.

Hitzordua urtero antolatzea da asmoa, betiere gastronomia-ikerketan joera berrienak ardatz hartuta.

Jardunaldia goizeko 8:45ean hasiko da, eta parte-hartzaileak ospetsuak dira hartziduraren gaian. Askotariko ezagutza arloak jorratu dituzten adituak dira, esperientzia handikoak.

Kulturarekin lotura berezia duen ikuspegia eskainiko du Sandor Ellix Katzek, mundu mailan erreferentziazkoa den adituak. “Hartziduraren artea” liburuan, hartziduraren oinarri teorikoei eta produktu hartzituak egiteko jarraibideei buruzko gida ulergarria eta xehatua eskaintzen du.

Mugaritz jatetxeko Dani Lasa eta Ramon Perisé ere hizlari izango dira. Biek ala biek ikerketa-proiektu ugari burutu dituzte hartziduraren inguruan, eta emaitzak jatetxeko menura eraman dituzte.

Horiekin batera, Koreako sukaldariak eta Sempio enpresako I+G arduraduna izango dira sinposioan. Soja-saltsa ekoizten duen Koreako enpresa zaharrena eta entzutetsuena da Sempio. Soja-saltsaren eta horren ekoizpenaren inguruan ikerlan garrantzitsuak egin ditu, eta munduan erreferentziazkoa da hartziduraren industrian.

Diego Prado BculinaryLabeko koordinatzaileak ikuspegi zientifikoa eta akademikoa eskainiko du, eta Laben egiten duten lanaren berri emango du.

Hitzaldiez gain, parte-hartzaileek workshop edo lantegi bereziak eskainiko dituzte, eta bukatzeko, mahai-inguruan bilduko dira, ideiak eta jardunaldian zehar sortutako ondorioak partekatze aldera.

BCulinaryLab

BCulinaryLab gastronomiako Ikerketa eta Garapeneko laborategia da, eta bere lan-ildoak jorratzen ditu Basque Culinary Centerren Ikerketa, Berrikuntza eta Ekintzailetza zentroa den BCC Innovationen barruan.

Gastronomiako nazioarteko joerekin zuzenean lotutako ikerketa- eta berrikuntza-proiektuak lantzeko sortu da. Hiru ildo nagusi ikertu eta garatuko ditu: hartzidura, basa-belarrak eta gastronomiako kontzeptu eta teknika berriak. Munduan interesa pizten duten gai horien inguruan informazioa bildu eta ezagutza sortuko du, metodologia zientifikoa erabilita, interesa duten pertsona guztiek ulertzeko moduan.


 

Desarrollado por: GureMedia