Eduki nagusira joa

Nabigazio-menura joan

Hizkuntza aukera

  • BCulinary Live Social
  • BCulinary Live Social
  • BCulinary Live Social
  • BCulinary Live Social
  • BCulinary Live Social
  • BCulinary Live Social
  • Whatsapp

Nabigazio-menura joan

Carles Tarrasó valentziarrak «Rioja Wine & Tapas» nazioarteko I. lehiaketako saria irabazi du

25 Azaroa 2016

  • Lehiaketa horren finala bart izan zen Basque Culinary Centerren; azken hori elkarlanean ari da Errioxa JDKrekin lehiaketa horren lehen edizioaren antolaketan
  • Hamabost herrialdetako gastronomia-eskolek hartu dute parte Errioxako ardoekin batera jateko tapen txapelketan
  • Saritutako proposamena “Zerutik Lurrera” pintxo bat izan da, eta atzo gauean, Basque Culinary Centerren, finalisten pintxoak dastatu zituen adituz osatutako epaimahai batek aukeratu du
  • Irabazleak 4.000 € jasoko ditu, eta ikastaro trinko bat Basque Culinary Centerren

Valentziar Carles Tarrasori «Rioja & Tapas» Nazioarteko I. Lehiaketako saria eman diote; lehiaketa Errioxa JDK-k antolatu du, Basque Culinary Centerrekin elkarlanean. Azkenean, Basque Culinary Centerren Carles Tarrasok irabazi zuen saria, bere “Zerutik lurrera” pintxoarekin, bulgur-kukuskarian, gazta-kreman eta basaran-kurruskarian oinarritua. Conde Valdemar Finca Alto Cantabria ardoarekin uztartu zuena.

Bart, bost finalistek beren proposamen gastronomikoak –Errioxako ardoekin uztartu behar zituztenak– egiteko aukera izan zuten Basque Culinary Centerren instalazioetan, 25 pertsonarentzat, eta irabazlea aukeratzeko ardura zuen aditu gastronomikoz osatutako epaimahaiarentzat.

Irabazleak bi sari jasoko ditu: 4.000 euro esku-dirutan eta profesionalei zuzendutako astebeteko ikastaro trinko bat Basque Culinary Centerren, 2017an edo 2018an egiteko.

Epaimahaiak parte-hartzaileen maila handia eta zail izan zaiela irabazlea aukeratzea nabarmendu du. Azkenik, hauxe baloratu dute gehien: «pintxoaren kontzeptua bera, izan ere, oso argi zuen zer irudikatu nahi zuen “El cielo y la tierra” (zerua eta lurra) izeneko pintxoarekin, eta oso argi zituen, orobat, erabili dituen osagai guztiak, Errioxako osagai jator-jatorrak, hain zuzen». «Ardoarekiko harmonizazioa ere bikaina izan da, upelean irakindako ardo zuria aukeratu baitu, gaztari eta kurruskariei ezin hobeto doakiena; testura oso ongi zegoen, aurkezpena ikusgarria zen..., azken batean, guzti-guztia erdietsi du, erabat asmatu du. Eta agerikoa da abantaila izan duela, Errioxa aldea oso ongi ezagutzen du eta», adierazi du epaimahaiak amaitzeko.

Carles Tarrasók ezagutza hori erakutsi zuen pintxoa epaimahaiari aurkeztu zionean, sorkariarekin zer mezu helarazi nahi izan zuen azaltzean: «Gonzalo de Berceo Errioxako monjeak “zerutik lurrera” jaitsi zuen ordura arte monasterioetan gordeta zegoen kultura gaztelaniazko lehen bertsoak idatzi zituenean, eta eredu horri jarraikiz, Errioxa JD kalifikatuak ere lan egiten du gure ardoaren kultura gure mugen barruan zein haietatik kanpo ere ezagutarazteko, hizkuntza bezain berezkoa baitu hori gure nortasunak». Eta ardo hori zergatik aukeratu duen azaltzean, berriz, hauxe adierazi zuen: «pintxo laktobegetariano honen bitartez ardoa edozein janari motarekin konbina daitekeela erakutsi nahi izan dut». 

Arrakasta parte-hartzean

«Rioja & Tapas» lehiaketaren lehenengo edizio horretan, hamabost herrialdetako gastronomia-eskolek hartu dute parte.

Joan den irailean iragarri zuten lehiaketa gastronomia-eskola eta -fakultateetako azken ikasturteko ikasleentzat. Hauek izan ziren atzoko finalerako sailkatzea lortu zuten bost herrialdetatik etorritako bost ikasleak:

Alemania: Daniela Schram, Schram's cooking Schoolekoa. Pintxoa: Abelburu-haragi izpitua banana-saski batean. Ardoa: Florentino de Lecanda 2009 Erreserba.
Espainia: Carles Tarrasó Oliver, Basque Culinary Centerrekoa. Pintxoa: Zerutik Lurrera, bulgur-kurruskarian, gazta-kreman eta basaran-kurruskarian oinarritua. Ardoa: Conde Valdemar Finca Alto Cantabria. 2015
Estatu Batuak: Timothy McLane, Midwest Culinary Institutekoa. Ahate-bularkia, sagar keztatua, mihilua eskabetxean eta barazkiak ziape eran oinarri dituen pintxoa. Ardoa: Señorío de San Vicente 2011.
Irlanda: Mary G Finnerty, Galway Mayo Institute of Technologykoa. Pintxoa: Piku kurruskariak ahuntz-gaztaz beteak tipula karamelizatuzko marmeladaz lagundutako urdaiazpiko onduarekin. Ardoa: Campo Aldea Tempranillo 2014.
Mexiko: Michelle Aline Ogando Bautista, Cessa Universidad México DFkoa.  Pintxoa: Kotxinita iberikozko airbagak. Ardoa: Marqués de Cáceres Gorria. 2014.

Bestalde, finala dela eta, atzerritik etorritako ikasleak hiru eguneko bidaia bat egiten ari dira mundu-mailako ardogintzako eskualde garrantzitsuenetako bat ezagutzeko, Errioxa JDK, hala nola Donostia, metro karratuko Michelin izar gehien duen hirietako bat. 

Desarrollado por: GureMedia